ଜଗତସିଂହପୁର ଜିଲ୍ଲାରେ ବଢୁଛି ଧଳା ଜହର କାରବାର | ବାରମ୍ବାର ଚଢ଼ାଉ ପରେ ବି କମୁନି ବ୍ରାଉନ ସୁଗାର କାରବାର | ପୋଲିସକୁ ଚକମା ଦେଇ ବେପାରୀମାନେ ଜାରି ରଖିଛନ୍ତି ନିଶା କାରବାର | ଫଳରେ କୁପଥକୁ ଚାଲି ଯାଉଛନ୍ତି ଯୁବଗୋଷ୍ଠୀ | ନିଶା ସେବନ ଯୋଗୁ ନଷ୍ଟ ହୋଇଯାଉଛି ଅନେକ ପରିବାର |
ଜଗତସିଂହପୁର ଥାନା ଅନ୍ତର୍ଗତ ଚମାର ସାହି ଗ୍ରାମରେ ବ୍ରାଉନ ସୁଗାର କାରବାର ଚାଲିଥିବା ନେଇ ପୋଲିସ୍କୁ ମିଳିଥିଲା ସୁରାକ | ଭୁବନେଶ୍ୱର ଏସଟିଏଫ ଟିମ ଓ ଜଗତସିଂହପୁର ସଦର ଥାନା ମିଳିତ ଭାବେ ଚମାର ସାହିରେ କରିଥିଲେ ଚଢ଼ାଉ | ବ୍ରାଉନ ସୁଗାର କାରବାର ଅଭିଯୋଗରେ ପୋଲିସ ତିନି ଜଣକୁ ଗିରଫ କରିଛି | ପୋଲିସ ସେମାନଙ୍କ ନିକଟରୁ ୩୧୦ ଗ୍ରାମ ବ୍ରାଉନ ସୁଗାର ଜବତ କରିଛି l ଗିରଫ ୩ ଅଭିଯୁକ୍ତ ହେଲେ ମହାକାଳେସ୍ୱରର ପ୍ରଶାନ୍ତ କୁମାର ବେହେରା, ରାଇବରେଇ ଗ୍ରାମର ପରେଶ ରଞ୍ଜନ ମହାନ୍ତି, ବାଲିକୁଦାର ତୋଫାନ କୁମାର ମଲିକ | ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ଜିଲ୍ଲା ସଦର ଥାନା ଭାରlପ୍ରପ୍ତ ଅଧିକାରୀ ପ୍ରଭାସ ଚନ୍ଦ୍ର ସାହୁ ସୂଚନା ଦେଇଛନ୍ତି |
