ନାୟବ ସରପଞ୍ଚ ପାଇଁ ଆଜି ପୁଣି ଥରେ ନିର୍ବାଚନ ହୋଇଛି | ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଅନ୍ତର୍ଗତ କୋରୁଅ ପଞ୍ଚାୟତରେ ଆଜି ଦ୍ଵିତୀୟ ଥର ପାଇଁ ନାୟବ ସରପଞ୍ଚ ନିର୍ବାଚନ ଅନୁଷ୍ଠିତ ହୋଇଯାଇଛି। କୋରୁଅ ପଞ୍ଚାୟତର ୫ ନମ୍ବର ୱାର୍ଡର ଅର୍ଜୁନ ପଣ୍ଡା ସର୍ବସମତି କ୍ରମେ ନାୟବ ସରପଞ୍ଚ ରୂପେ ନିର୍ବାଚିତ ହୋଇଛନ୍ତି l
ଗତ ମାର୍ଚ୍ଚ ୧୧ ତାରିଖରେ ଏହି ପଞ୍ଚାୟତରେ ନାୟବ ସରପଞ୍ଚ ପାଇଁ ନିର୍ବାଚନ କରାଯାଇଥିଲା । କିନ୍ତୁ ନିୟମ ଅନୁସାରେ ନିର୍ବାଚନ ପାଇଁ ୱାର୍ଡ଼ ସଭ୍ଯମାନଙ୍କ ସଂଖ୍ୟା ଗରିଷ୍ଠତା ହୋଇ ପାରିନଥିଲା | ଫଳରେ ନିର୍ବାଚନ ପ୍ରକ୍ରିୟାକୁ ବନ୍ଦ ରଖାଯାଇଥିଲା। ଆଜି ପୁନର୍ବାର ନିର୍ବାଚନ ପକ୍ରିଆ ଆରମ୍ଭ କରାଯାଇଥିଲା | କୋରୁଅ ଗ୍ରାମ ପଞ୍ଚାୟତ କାର୍ଯ୍ୟାଳୟରେ ନିର୍ବାଚନ ଅଧିକାରୀଙ୍କ ଉପସ୍ଥିତିରେ କୋରୁଅ ପଞ୍ଚାୟତର ୫ ନମ୍ବର ୱାର୍ଡର ଅର୍ଜୁନ ପଣ୍ଡା ନାୟବ ସରପଞ୍ଚ ରୂପେ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଥିଲେ l ଯାହାକୁ ନେଇ କର୍ମୀମାନଙ୍କ ମଧ୍ୟରେ ଖୁସିର ମାହୋଲ ଦେଖିବାକୁ ମିଳିଛି |
