ଦୁର୍ବୃତ୍ତଙ୍କ ଗୁଳିମାଡରେ ଜଣେ ସମିତି ସଭ୍ୟାଙ୍କ ସ୍ୱାମୀଙ୍କ ମୃତ୍ୟୁ ହୋଇଥିଲା | ସମିତି ସଭ୍ୟାଙ୍କ ସ୍ୱାମୀଙ୍କ ହତ୍ୟା ଘଟଣାରେ ପୋଲିସ ଆଜି ୨ ଅଭିଯୁକ୍ତଙ୍କୁ ଗିରଫ କରିଛି | ପୋଲିସ ସେମାନଙ୍କ ନିକଟରୁ ହତ୍ୟାରେ ବ୍ୟବହାର କରାଯାଇଥିବା ରିଭଲବରକୁ ଜବତ କରିଛି | ଅଭିଯୁକ୍ତ ଙ୍କୁ ବିଚାର ବିଭାଗୀୟ ଜେଲ୍ ହାଜତକୁ ପଠାଇ ଦିଆଯାଇଛି |
ବଲାଙ୍ଗିର ଜିଲ୍ଲା ପାଟଣାଗଡରେ ଗତ ୩ ଦିନ ତଳେ ଫୁଟିଥିଲା ଗୁଳି । ଗୁଳିମାଡରେ ବାଗଦୋର ପଞ୍ଚାୟତ ସମିତି ସଭ୍ୟା ବନୀତା ବିଶ୍ଵାଳଙ୍କ ସ୍ଵାମୀ ଲୋକନାଥ ବିଶ୍ଵାଳଙ୍କ ହୋଇଥିଲା ମୃତ୍ୟୁ । ସମିତି ସଭ୍ୟା ବନୀତା ବିଶ୍ଵାଳଙ୍କ ପୁଅ ଅନିଲ କୁମାର ବିଶ୍ବାଳ ଗତ ୨୮ ତାରିଖରେ ବେଲପଡା ଥାନାରେ କେଶ୍ ଦାଏର କରିଥିଲେ ।ବେଲପଡା ଥାନା ପୋଲିସ ଆଜି ଦୁଇ ଅଭିଯୁକ୍ତଙ୍କୁ ଗିରଫ କରି ଏସଡିଜେଏମ୍ କୋର୍ଟରେ ହାଜର କରିଥିଲେ । ଗିରଫ ଅଭିଯୁକ୍ତମାନେ ହେଲେ ଝୁଲେନବର ଗାଁ ର ସିତାରାମ ବିନ୍ଧାଣି ଓ ପାଟଣାଗଡ଼ ଥାନା ରାମପାଲିର ରବି ଷାଣ୍ଢ । ଅଭିଯୁକ୍ତ ମାନଙ୍କୁ ବିଚାର ବିଭାଗୀୟ ଜେଲ୍ ହାଜତକୁ ପଠାଇ ଦିଆଯାଇଥିବା ସରକାରୀ ଓକିଲ ଟୁଲୁ ଭୋଇଙ୍କ ଠାରୁ ସୂଚନା ମିଳିଛି ।
