ଢେ଼ଙ୍କାନାଳ ଜିଲ୍ଲା ଭୁବନ ଏନଏସିର ନୂତନ ଅଧ୍ୟକ୍ଷ ଶୁଭେନ୍ଦୁ ସାହୁ ଆଜି ଆନୁଷ୍ଠାନିକ ଭାବେ ଦାୟିତ୍ବ ଗ୍ରହଣ କରିଛନ୍ତି । ଅଧ୍ୟକ୍ଷ ଶୁଭେନ୍ଦୁ ଶୁଭେଛୁ ଓ ଦଳୀୟ କର୍ମୀଙ୍କ ଗହଣରେ ପଦଯାତ୍ରାରେ ଏନଏସି ଅଫିସକୁ ଯାଇଥିଲେ ।
ଏନ.ଏ.ସି ନିର୍ବାହୀ ଅଧିକାରୀ ଶ୍ୟାମ ସୁନ୍ଦର ସାହୁ ଅଧ୍ୟକ୍ଷ ଶୁଭେନ୍ଦୁ ସାହୁଙ୍କ ସମେତ ୧ ନମ୍ବର ୱାର୍ଡ କାଉନସିଲର ଗିରିଧାରୀ ସାହୁ, ୩ ନମ୍ବର ୱାର୍ଡ କାଉନସିଲର ମାନିନୀ ସାହୁ, ୭ ନମ୍ବର ୱାର୍ଡ କାଉନସିଲର ନରେନ୍ଦ୍ର ବେହେରା, ୯ ନମ୍ବର ୱାର୍ଡ କାଉନସିଲର ପପୁ ସାହୁ, ୧୧ ନମ୍ବର ୱାର୍ଡ କାଉନସିଲର ସ୍ବର୍ଣ୍ଣ ମଞ୍ଜରୀ ସାହୁ, ୧୨ ନମ୍ବର ୱାର୍ଡ କାଉନସିଲର କବିତା ସେନାପତି, ୧୪ ନମ୍ବର ୱାର୍ଡ କାଉନସିଲର କଳ୍ପନା ବେହେରା ଓ ୧୫ ନମ୍ବର ୱାର୍ଡ କାଉନସିଲର ଝୁନା ନାୟକଙ୍କୁ ପୁଷ୍ପଗୁଚ୍ଛ ପ୍ରଦାନ କରି ସ୍ୱାଗତ ଜଣାଇଥିଲେ । ପରେ ଏନ.ଏ.ସି ରେଜିଷ୍ଟରରେ ଶୁଭେନ୍ଦୁ ଦସ୍ତଖତ କରି ଦାୟିତ୍ୱ ଗ୍ରହଣ କରିଥିଲେ । ବିଭିନ୍ନ ବ୍ୟକ୍ତି ବିଶେଷ ଓ ଅନୁଷ୍ଠାନ ତରଫରୁ ଅଧ୍ୟକ୍ଷ ଶୁଭେନ୍ଦୁ ସାହୁଙ୍କୁ ପୁଷ୍ପଗୁଚ୍ଛ ଦେଇ ଶୁଭେଚ୍ଛା ଜ୍ଞାପନ କରାଯାଇଥିଲା । ଏହି କାର୍ଯ୍ୟକ୍ରମରେ ବିରୋଧୀ ଦଳର ସମସ୍ତ କାଉନସିଲର ଅନୁପସ୍ଥିତ ରହିଥିଲେ ।
