ବଣ୍ଡା ଘାଟିରେ ଆଜି ହୋଇଛି ମର୍ମନ୍ତୁଦ ସଡ଼କ ଦୁର୍ଘଟଣା। ଭାରସାମ୍ୟ ହରାଇ ଓଲଟି ପଡିଛି ଏକ ଯାତ୍ରୀବାହୀ ପିକଅପ ଭ୍ୟାନ୍ | ଫଳରେ ୧୦ ରୁ ଉର୍ଦ୍ଧ୍ୱ ଲୋକ ଆହତ ହୋଇଛନ୍ତି | ସେମାନଙ୍କ ମଧ୍ୟରୁ ୩ ଜଣ ଗୁରୁତର ଆହତ ହୋଇଛନ୍ତି | ଜିଲ୍ଲାର ଖଇରପୁଟ ବ୍ଲକ ଅନ୍ତର୍ଗତ ଅଣ୍ଡରାହାଲ ପଞ୍ଚାୟତର ୪୦ ରୁ ଉର୍ଦ୍ଧ୍ୱ ଲୋକଙ୍କୁ ନେଇ ଏକ ପିକଅପ ଭ୍ୟାନ୍ ମୁଦୁଲିପଡାକୁ ଯାଉଥିଲା | ଅଧିକ ଯାତ୍ରୀ ଥିବାରୁ ପିକଅପ ଭ୍ୟାନ୍ ଭାରସାମ୍ୟ ହରାଇ ଓଲଟି ପଡିଥିଲା | ପୋଲିସ ଘଟଣାସ୍ଥଳରେ ପହଂଚି ଆହତଙ୍କୁ ଉଦ୍ଧାର କରି ଖଇରପୁଟ ଚିକିତ୍ସାଳୟକୁ ଆଣିଥିଲା । ଗୁରୁତର ଚିକିତ୍ସା କରାଯାଉଥିବା ନେଇ ମାଲକାନଗିରି ଜିଲ୍ଲାପାଳ ସୁଚନା ଦେଇଛନ୍ତି ।
