ବଲାଙ୍ଗିର ପୋଲିସକୁ ମିଳିଛି ଏକ ବଡ ସଫଳତା। ଆନ୍ତଃରାଜ୍ୟ ବୋଲେରୋ ଚୋର ଗ୍ୟାଙ୍ଗକୁ ଧରିବାରେ ସଫଳ ହୋଇଛି ବଲାଙ୍ଗିର ପୋଲିସ। ଲୁଟେରା ଗ୍ୟାଙ୍ଗର ୧୦ଜଣଙ୍କୁ ଗିରଫ କରିଛି ପୋଲିସ | ଏହାସହ ୨୨ଟି ଚୋରା ବୋଲେରୋ, ପିକଅପ ଭ୍ୟାନ୍ ଗାଡି ଜବତ କରିଛି | ଏହି ଗ୍ୟାଙ୍ଗର ସଦସ୍ୟମାନେ ରାଜ୍ୟର ବିଭିର୍ନ ସ୍ଥାନରୁ ଗାଡି ଚୋରି କରୁଥିଲେ | ଅତି ଚତୁରତାର ସହ ନକଲି ଚାବିରେ ଗାଡି ଚୋରି କରି ସେଠାରୁ ଫେରାର ହୋଇଯାଉଥିଲେ |
ଗତ ବର୍ଷକ ଭିତରେ ସେମାନେ ସୋନପୁର, ବଲାଙ୍ଗିର, କଳାହାଣ୍ଡି, ନୂଆପଡା, ବରଗଡ ଓ ସମ୍ବଲପୁର ଜିଲ୍ଲାରୁ 100 ରୁ ଉର୍ଧ୍ଵ ବୋଲେରୋ ଗାଡି ଓ ପିକଅପ ଭ୍ୟାନ୍ ଚୋରି କରିଥିବା ଜଣାପଡିଛି | ପରେ ସେମାନେ ଏହି ଗାଡିର ନମ୍ବର ପ୍ଲେଟ ବଦଳାଇ ବାହାର ରାଜ୍ୟରେ ବିକ୍ରି କରି ଦେଉଥିଲେ | ଏପରିକି କିଛି ଗାଡିର ପାର୍ଟସ ସବୁକୁ ଖୋଲି ଅଲଗା ଅଲଗା କରି ମାର୍କେଟରେ ବିକ୍ରି କରି ମାଲେମାଲ ହେଉଥିବା ଜଣାପଡିଛି | ତେବେ ଗିରଫ ଅଭିଯୁକ୍ତଙ୍କ ଠାରୁ ପ୍ରାୟ ୧୫ଲକ୍ଷ ଟଙ୍କାର ଗାଡି ସ୍ପେୟାର ପାର୍ଟ ମଧ୍ୟ ଜବତ ହୋଇଛି।
