ପୌର ନିର୍ବାଚନକୁ ନେଇ ସରଗରମ ହୋଇଛି ପୌରାଞ୍ଚଳ । ଜୋରଦାର ହୋଇଛି ନିର୍ବାଚନୀ ପ୍ରଚାର । ଉଠୁଛି ପଡୁଛି ଜଟଣୀ ପୌରପାଳିକା। ଖରା ତାତି ସହିତ ବଢୁଛି ରାଜନୀତି ଉସ୍ମତା । ବିଭିନ୍ନ ରାଜନୈତିକ ଦଳର ପ୍ରାର୍ଥୀମାନେ ଭିନ୍ନ ଭିନ୍ନ ସମସ୍ୟାକୁ ପ୍ରସଙ୍ଗ କରି ଭୋଟରଙ୍କୁ ଆକର୍ଷିତ କରିବାକୁ ଚଳାଇଛନ୍ତି ଉଦ୍ୟମ | ଆଜି ବିଜେପି ସାଂସଦ ଅପରାଜିତା ଷଡଙ୍ଗୀ ଜଟଣୀରେ କରିଛନ୍ତି ଜୋରଦାର ପ୍ରଚାର |
ବିଜେପି ପୌର ଅଧ୍ୟକ୍ଷ ପାର୍ଥି ପ୍ରଶାନ୍ତ ବେହେରା, କାଉନ୍ସିଲର ପ୍ରାର୍ଥୀ ଲିଟୁ ରଞ୍ଜନ ରାଉତରାୟଙ୍କ ପାଇଁ ପ୍ରଚାର କରିଛନ୍ତି ସାଂସଦ ଅପରାଜିତା ଷଡଙ୍ଗୀ । ଜଟଣୀ ପୌରାଞ୍ଚଳର ବିକାଶ ପାଇଁ ସହରବାସୀ ତାଙ୍କୁ ମାତ୍ର ଗୋଟିଏ ଥର ସୁଯୋଗ ଦିଅନ୍ତୁ ବୋଲି ସେ କହିଛନ୍ତି । ଜଟଣୀରେ ଅନେକ ସମସ୍ୟା ରହିଥିବା ବେଳେ ପାନୀୟ ଜଳ ସମସ୍ୟା ଅତ୍ୟନ୍ତ ଉତ୍କଟ | ତେଣୁ ଏଥର ବିଜେପି ଆସିଲେ ଆଗ ପାନୀୟ ଜଳ ସମସ୍ୟାର ସମାଧାନ କରିବ ବୋଲି କହିଛନ୍ତି ଅପରାଜିତା। ଚଳିତ ପୋୖର ନିର୍ବାଚନରେ ବିଜେପି ଅଧ୍ୟକ୍ଷ ପଦ ହାତେଇବା ସହିତ ଅନେକ ୱାର୍ଡରେ କାଉନସିଲର ପ୍ରାର୍ଥୀ ମଧ୍ୟ ଜିତିବେ ବୋଲି ବିଜେପି ଦଳର ମୁଖପାତ୍ର ସୁଦୀପ୍ତ ରାୟ କହିଛନ୍ତି ।
