ପୋଲିସ -ନକ୍ସଲଙ୍କ ମଧ୍ୟରେ ଘଟିଛି ଗୁଳି ବିନିମୟ। ପୋଲିସ ଗୁଳିରେ ଜଣେ ହାର୍ଡକୋର ନକ୍ସଲଙ୍କ ମୃତ୍ୟୁ ହୋଇଥିବା ମିଳିଛି ସୂଚନା । ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ ବିଜାପୁର ଜିଲ୍ଲାରେ ଘଟିଛି ଏହି ଏନକାଉଣ୍ଟର | ସୂଚନାନୁଯାୟୀ ଆଜି ସକାଳେ କାଇକା ଏବଂ ମୋସଲା ମଧ୍ୟରେ ଥିବା ଜଙ୍ଗଲରେ ପୋଲିସ ଏବଂ ନକ୍ସଲଙ୍କ ମଧ୍ୟରେ ହୋଇଥିଲା ଗୁଳି ବର୍ଷଣ ।
ଏଥିରେ ମାଓ ସଂଗଠନର ନ୍ୟାସନାଲ ପାର୍କ ଏରିଆ କମିଟି ସଦସ୍ୟ / ସେଣ୍ଡ୍ରାଲ ଏଲଓଏସ ଡେପୁଟି କମାଣ୍ଡର ରିତେଶ ପୁନେମ ନିହତ ହୋଇଥିବା ସୂଚନା ମିଳିଛି | ଛତିଶଗଡ ରାଜ୍ୟ ସରକାରଙ୍କ ପକ୍ଷରୁ ତାଙ୍କ ମୁଣ୍ଡରେ ୩ ଲକ୍ଷ ଟଙ୍କା ପୁରସ୍କାର ଘୋଷଣା ହୋଇଥିଲା। ଘଟଣାସ୍ଥଳରୁ ପୋଲିସ ଗୋଟେ ବନ୍ଧୁକ, ନକ୍ସଲ ସାମଗ୍ରୀ ଏବଂ ଦୈନନ୍ଦିନ ବ୍ୟବହାର ସାମଗ୍ରୀ ଜବତ କରିଛି । ବିଜାପୁର ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ହତ୍ୟା, ଅଗ୍ନିକାଣ୍ଡ ଓ ଡକାୟତି ଘଟଣାରେ ରିତେଶ ପୁନେମଙ୍କ ସମ୍ପୃକ୍ତ ଥିବା କହିଛି ପୋଲିସ । ଡିଆରଜି ଏବଂ କେରିପୁ ୨୨୨ ବାଟାଲିୟନର ମିଳିତ ଏନକାଉଣ୍ଟରରେ ମିଳିଛି ଏହି ସଫଳତା। ଏହି ଏନକାଉଣ୍ଟର ବେଳେ ଜଣେ ଯବାନ ରାମଲୁ ହେମଲା ମଧ୍ୟ ଆହତ ହୋଇଥିବା ପୋଲିସ କହିଛି।
