ଭିଜିଲାନ୍ସ ଜାଲରେ ଓଡ଼ିଶା ମୋଟର ଭେଇକିଲ ଡିପାର୍ଟମେଣ୍ଟର ଏଏସଆଇ । ଓଡିଶା ମୋଟର ଭେଇକିଲ୍ ଡିପାର୍ଟମେଣ୍ଟର ଆସିଷ୍ଟାଣ୍ଟ ସବ ଇନସପେକ୍ଟର ହରେକୃଷ୍ଣ ନାୟକଙ୍କ ଘରେ ହୋଇଛି ଭିଜିଲାନ୍ସ ରେଡ୍ । ହରେକୃଷ୍ଣଙ୍କ ବାସଭବନ ସମେତ ୬ଟି ସ୍ଥାନରେ ଭିଜିଲାନ୍ସ କରିଛି ଚଢାଉ । ଚଢ଼ାଉ ବେଳେ ନାଗଦ ୪ ଲକ୍ଷ ୪୬ ହଜାର ଟଙ୍କା ହୋଇଛି ଜବତ ।
ହରେକୃଷ୍ଣଙ୍କ ଝାରସୁଗୁଡାସ୍ଥିତ ଭଡାଘର, ଆରଟିଓ କାର୍ଯ୍ୟାଳୟ ସମେତ କଟକ, ପୁରୀ ଏବଂ ଗଂଜାମ ସ୍ଥିତ ତାଙ୍କ ଘର ଓ ସମ୍ପର୍କୀୟଙ୍କ ଘରେ ଭିିଜିଲାନ୍ସ ଚଢାଉ ଜାରି ରଖିଛି । ହରେକୃଷ୍ଣଙ୍କ କଟକ ଫ୍ରେଣ୍ଡସ୍ କଲୋନୀରେ ଦୁଇ ମହଲା କୋଠା, ପୁରୀର ମାଲୁଦଠାରେ ନିର୍ମାଣାଧୀନ ୨ ମହଲା କୋଠା ଠାବ ହୋଇଛି | ଏହି ରେଡରେ ୩ ଜଣ ଭିଜିଲାନ୍ସ ଡିଏସପି, ୧୦ ଜଣ ଇନ୍ସପେକ୍ଟରଙ୍କ ସହ ଭିଜିଲାନ୍ସ ବିଭାଗର ଅନ୍ୟ କର୍ମଚାରୀ ସାମିଲ ଅଛନ୍ତି ।
