ମା ହେବା ପ୍ରତ୍ୟେକ ମହିଳାଙ୍କର ସ୍ୱପ୍ନ | ପ୍ରତ୍ୟେକ ମହିଳା ନିଜ ସନ୍ତାନ ଏବଂ ପରିବାର ସହିତ ସୁଖମୟ ଜୀବନଯାପନ କରିବାକୁ ଚାହାଁନ୍ତି | ସାଧାରଣତଃ ମହିଳାମାନେ ଏକ, ଦୁଇ କିମ୍ବା ତିନିରୁ ଅଧିକ ସନ୍ତାନ ଜନ୍ମ କରି ନିଜକୁ ଭାଗ୍ୟବାନ ମନେ କରନ୍ତି | କିନ୍ତୁ ଆପଣ ଜାଣନ୍ତି କି ଆମେରିକାର ପ୍ରସିଦ୍ଧ ଗାୟିକା ତଥା ଅଭିନେତ୍ରୀ କେକେ ୱାଟ୍ ୧୧ ଥର ପାଇଁ ମା ହେବାକୁ ଯାଉଛନ୍ତି। କେକେ ୱାଟ୍ ତାଙ୍କର ଏକ ଇନଷ୍ଟା ପୋଷ୍ଟ ମାଧ୍ୟମରେ ପ୍ରଶଂସକମାନଙ୍କୁ ଏହି ଖୁସି ଖବର ଦେଇଛନ୍ତି | ସେ କହିଛନ୍ତି ଯେ ସେ ଗର୍ଭବତୀ ଅଛନ୍ତି ଏବଂ ତାଙ୍କର ୧୧ ତମ ସନ୍ତାନକୁ ଜନ୍ମ ଦେବାକୁ ଯାଉଛନ୍ତି |
କେକେ ୱାଟ୍ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ପ୍ରଶଂସକଙ୍କ ସହ ତାଙ୍କର ମାତୃତ୍ୱ ଫଟୋସୁଟର ଫଟୋ ମଧ୍ୟ ସେୟାର କରିଛନ୍ତି | ଫଟୋ ସେୟାର କରି ସେ କ୍ୟାପସନରେ ଲେଖିଛନ୍ତି – ୱାଟ ପରିବାରକୁ ଆଉ ଜଣେ ନୂଆ ଅତିଥି ଆସୁଛି | ମୋ ସ୍ବାମୀ ଜାକରିଆସ୍ ଡେଭିଡ ଡେରିଙ୍ଗ ଏବଂ ମୁଁ ଏହି ଖୁସି ଖବର ଘୋଷଣା କରି ଗର୍ବିତ | କେକେ ୱାଟଙ୍କ ଏହି ପୋଷ୍ଟରେ ପ୍ରଶଂସକମାନେ ତାଙ୍କୁ ଏକାଦଶ ଥର ପାଇଁ ମା ହେବାକୁ ଯାଉଥିବାରୁ ଅଭିନନ୍ଦନ ଜଣାଇଛନ୍ତି | କେକେ ୱାଟ୍ ତିନିଥର ବିବାହ କରିଛନ୍ତି। ସେ 2018 ରେ ତୃତୀୟ ଥର ପାଇଁ ଜାକରିଆ ଡେଭିଡଙ୍କୁ ବିବାହ କରିଥିଲେ | ତୃତୀୟ ବିବାହ ପୂର୍ବରୁ ତାଙ୍କର ଦୁଇଟି ବିବାହ ବିଛେଦ ହୋଇଥିଲା |
