ଏସବିଆଇ କର୍ମଚାରୀ ସଙ୍ଘର ଆଞ୍ଚଳିକ ସମ୍ମିଳନୀ

ବଲାଙ୍ଗିର ସାମ୍ବାଦିକ ଭବନଠାରେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ କର୍ମଚାରୀ ସଙ୍ଘ ତରଫରୁ ଆଞ୍ଚଳିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ସଂଘର ସାଧାରଣ ସମ୍ପାଦକ ରଘୁନାଥ ବେହେରାଙ୍କ ଅଧ୍ୟକ୍ଷତାରେ ହୋଇଥିବା ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଷ୍ଟେଟ ବ୍ୟାଙ୍କ୍ କର୍ମଚାରୀ ସଂଘର ସଭାପତି ନିତ୍ୟାନନ୍ଦ ବେହେରା ଯୋଗଦେଇଥିଲେ । ଏହି କାର୍ଯ୍ୟକ୍ରମରେ ସଂଘ ବିଷୟରେ ଉପସ୍ଥିତ ଅତିଥିମାନେ ଆଲୋକପାତ କରିଥିଲେ । ସଂଘରେ ଥିବା କମ୍ରେଡ଼ମାନଙ୍କ ସୁବିଧା ଅସୁବିଧା ସମ୍ପର୍କରେ ମଧ୍ୟ ଆଲୋଚନା କରାଯାଇଥିଲା। ପରେ ବୋର୍ଡ ଅଫ୍ କ୍ରିକେଟ କଣ୍ଟ୍ରୋଲ ଅଫ୍ ଇଣ୍ଡିଆ (ବିସିସିଆଇ) କମିଟିରେ ସ୍ଥାନ ପାଇଥିବା ବଲାଙ୍ଗିର ମାଟିର ପୁଅ ହରି ନାରାୟଣ ପୂଜାରୀଙ୍କୁ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲା ତଥା ଜିଲ୍ଲା ବାହାରୁ କମ୍ରେଡମାନେ ଉପସ୍ଥିତ ଥିଲେ ।