ପଦ୍ମପୁର ଉପଖଣ୍ଡରେ ବାଇକ୍ ଚୋରିର ପର୍ଦ୍ଦାଫାଶ କରିଛି ପୋଲିସ : ୧୭ଟି ଚୋରା ବାଇକ୍ ଜବତ, ୩ଚୋର ଗିରଫ

ପଦ୍ମପୁର : ବଡଧରଣର ବାଇକ ଚୋରୀର ପର୍ଦଫାଶ କରିଛି ପଦ୍ମପୁର ପୋଲିସ। ପଦ୍ମପୁର ଉପଖଣ୍ଡର ବିଭିନ୍ନ ଥାନା ଅଂଚଳରୁ ବାଇକ ଚୋରୀ ହେଉଥିବା ଘଟଣା ସାମନାକୁ ଆସିଛି । ଗତ ଫେବୃଆରି ମାସ ଦୁଇ ତାରିଖ ଦିନ ଗାଇସିଲାଟ ଥାନା ତାଳପାଲି ମାର୍କେଟରୁ ଗୋଟିଏ ମୋଟର ସାକେଲ ଚୋରି ହୋଇଥିବା ବିରେନ୍ଦ୍ର ସାହୁ ନାମକ ଜଣେ ବ୍ୟକ୍ତି ଗାଇସିଲାଟ ଥାନାରେ ଅଭିଯୋଗ କରିଥିଲେ । ଏ ସମ୍ବନ୍ଧରେ ଗାଇସିଲାଟ ଥାନାରେ ଏକ ଚୋରୀ ମାମଲା ରୁଜୁ ହୋଇଥିଲା । ପୋଲିସ ୧୭ଗୋଟି ବାଇକ୍ ସହ ୩ ଜଣ ବାଇକ୍ ଚୋର ଏବଂ ଜଣେ କ୍ରେତାକୁ ଗିରଫ କରିବା ସହ କୋର୍ଟ ଚାଲାଣ କରିଥିବା ପଦ୍ମପୁର ଉପଖଣ୍ଡ ପୋଲିସ ଅଧିକାରୀ ପ୍ରଦୀପ କୁମାର ସାହୁ ସାମ୍ବାଦିକ ସମ୍ମିଳନୀରେ ସୂଚନା ଦେଇଛି ।