ଆଜି ଭାଲେଣ୍ଟାଇନ ଡେ’ ବା ପ୍ରେମ ଦିବସ | ବିଶେଷକରି ପ୍ରେମୀ ଯୁଗଳମାନେ ଏହି ଦିନକୁ ନିଆରା ଢଙ୍ଗରେ ପାଳନ କରିଥାନ୍ତି । କିନ୍ତୁ ଆଜିର ଦିନରେ ବନ୍ଧା ହୋଇଛନ୍ତି ଜଣେ ରସିକିଆ ଡାକ୍ତର । ରସିକିଆ ହୋମିଓପାଥିକ୍ ଡାକ୍ତର ଜଣକ ହେଲେ ରମେଶ ସ୍ୱାଇଁ | ସେ ଗୋଟେ କିମ୍ବା ଦୁଇଟା କି ତିନିଟା ନୁହେ ଏକାଥରେ 14ଟି ବିବାହ କରିଛନ୍ତି | ସେ ଦେଶର ବିଭିନ୍ନ ସ୍ଥାନରେ ବିବାହ କରିଥିବା ଜଣାପଡ଼ିଛି । କୋଲକାତା, ମୁମ୍ବାଇ, ହାଇଦ୍ରାବାଦ, ଦିଲ୍ଲୀ, ଭୁବନେଶ୍ୱର ଭଳି ରାଜ୍ୟରୁ ବିଭିନ୍ନ ମହିଳାଙ୍କୁ ବିବାହ କରିଥିବା ସୂଚନା ମିଳିଛି । ଏଭଳି ଏକ ରସିକିଆ ଡାକ୍ତରଙ୍କୁ ଗିରଫ କରିଛି ଭୁବନେଶ୍ୱର ମହିଳା ଥାନା ପୋଲିସ । କେନ୍ଦ୍ରାପଡା ଭଗବାନପୁରର ହୋମିଓପାଥିକ୍ ଡାକ୍ତର ରମେଶ ବିବାହ ନାଁରେ ମହିଳାମାନଙ୍କ ଠାରୁ ଲକ୍ଷାଧିକ ଟଙ୍କା ଠକି ନେଇଥିବା ହୋଇଛି ଅଭିଯୋଗ । ଡାକ୍ତର ବାବୁଙ୍କ 14 ପତ୍ନୀ ମଡେଲ୍ ଓ ଧନୀ ଶ୍ରେଣୀର | ସେମାନଙ୍କ ମଧ୍ୟରେ ଡାକ୍ତର, ଓକିଲ ଓ ମଡେଲ ରହିଛନ୍ତି। ସବୁଠାରୁ ମଜାଦାର ହେଲା ତାଙ୍କ ସ୍ତ୍ରୀମାନେ କେହି କାହା ବିଷୟରେ କିଛି ଜାଣି ନାହାନ୍ତି । ପୋଲିସ ଏହି ଘଟଣାର ଛାନ ଭିନ କରୁଛି |
