‘ଷ୍ଟାଚ୍ୟୁ ଅଫ୍ ଇକ୍ୱାଲିଟି’ ଜାଣନ୍ତୁ ପ୍ରତିମୂର୍ତ୍ତି ବିଷୟରେ କିଛି ଗୁରୁତ୍ୱପୂର୍ଣ୍ଣ ତଥ୍ୟ…

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ହାଇଦ୍ରାବାଦରେ ଷ୍ଟାଚ୍ୟୁ ଅଫ୍ ଇକ୍ୱାଲିଟିର ଉଦଘାଟନ କରିଛନ୍ତି। ଏହି ପ୍ରତିମୂର୍ତ୍ତି ବିଷୟରେ ଏକ ଗୁରୁତ୍ୱପୂର୍ଣ୍ଣ ତଥ୍ୟ ଅଛି, ଯାହାକୁ ଖୁବ୍ କମ୍ ଲୋକଙ୍କୁ ଜଣା | ଜାଣଛନ୍ତି କି କେଉଁ ଦେଶ ଏହି ପ୍ରତିମୂର୍ତ୍ତିକୁ କରିଛି ନିର୍ମିତ ! ଏହି ପ୍ରତିମୂର୍ତ୍ତି ଟି ହେଲା ମେଡ଼ ଇନ ଚାଇନା | ଚାଇନାରେ ନିର୍ମିତ ହୋଇଛି ଏହି ପ୍ରତିମୂର୍ତ୍ତି | ତା’ପରେ ଏହା ଭାରତକୁ ଅଣାଯାଇଥିଲା | 135 କୋଟି ଟଙ୍କାର ‘ଷ୍ଟାଚ୍ୟୁ ଅଫ୍ ଇକ୍ୱାଲିଟି’ ପାଇଁ ଚାଇନାର ଏକ କମ୍ପାନୀ ସହ ଚୁକ୍ତିନାମା କରାଯାଇଥିଲା। ଚାଇନାରେ କାଷ୍ଟିଂ କାମ କରାଯାଇଥିଲା, ପରେ ଏହି ପ୍ରତିମୂର୍ତ୍ତିକୁ 1,600 ଖଣ୍ଡରେ ହାଇଦ୍ରାବାଦକୁ ଅଣାଯାଇଥିଲା | ଏହି ବିଶାଳ ପ୍ରତିମୂର୍ତ୍ତିର ସ୍ଥାପନ ପ୍ରକ୍ରିୟା 2017-18 ମଝିରେ ଆରମ୍ଭ ହୋଇଥିଲା, ଯାହା ସମ୍ପୂର୍ଣ ହେବାକୁ 15 ମାସ ସମୟ ନେଇଥିଲା | ଏହି ପ୍ରତିମୂର୍ତ୍ତିକୁ ବସିବା ସ୍ଥିତିରେ ବିଶ୍ୱର ଦ୍ୱିତୀୟ ଉଚ୍ଚତ୍ତମ ମୂର୍ତି ବୋଲି କୁହାଯାଉଛି | ଏହାର ଉଚ୍ଚତା 216 ଫୁଟ | ଏହା ପଞ୍ଚଧାତୁର ମିଶ୍ରଣରେ ନିର୍ମିତ ହୋଇଛି | ତମ୍ବା, ରୂପା, ସୁନା, ଜିଙ୍କ୍ ଏବଂ ଟାଇଟାନିୟମ୍ – ସେଥିରୁ ତମ୍ବା 80 ପ୍ରତିଶତ ଧାରଣ କରିଛି | ଷ୍ଟାଚ୍ୟୁ ଅଫ୍ ଇକ୍ୱାଲିଟିର ସମ୍ପୂର୍ଣ୍ଣ ପ୍ରକଳ୍ପ 45 ଏକର ଜମି ଉପରେ ବ୍ୟାପିଛି, ଯାହାର ମୋଟ ମୂଲ୍ୟ ପ୍ରାୟ 1 ହଜାର କୋଟି ଟଙ୍କା | ଏହି ଜମିକୁ ମାଇଁ ହୋମ ଗ୍ରୁପର ଜୁପାଲି ରମେଶ୍ୱର ରାଓ ଦାନରେ ଦେଇଛନ୍ତି |