ନୂଆ ଅବତାରରେ ନଜର ଆସୁଛନ୍ତି ଧୋନି | ମାହି ଯୋଦ୍ଧା ବେଶରେ ରାକ୍ଷସ ସେନାଙ୍କ ସହିତ ଲଢେଇ କରୁଥିବା ଲୁକସକୁ ନେଇ ଚାଲିଛି ବେଶ ଚର୍ଚା | ଯୁଦ୍ଧକ୍ଷେତ୍ରରେ ଏକ ଆନିମେଟେଡ୍ ଅବତାରରେ ଦେଖିବାକୁ ମିଳିଛି ଭାରତୀୟ କ୍ରିକେଟ ଜଗତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କୁ | ଏମଏସ ଧୋନି ତାଙ୍କ ନୂତନ ଗ୍ରାଫିକ୍ସ ଉପନ୍ୟାସରେ ଅଥର୍ଭ ଭୂମିକାରେ ନଜର ଆସୁଛନ୍ତି |
ବୁଧବାର ଧୋନିଙ୍କ ଆଗାମୀ ଗ୍ରାଫିକ୍ ଉପନ୍ୟାସ ‘ଅଥର୍ଭ: ଦି ଅରିଜିନ୍’ର ପ୍ରଥମ ଲୁକ୍ ଜାରି କରାଯାଇଛି । ଧୋନି ତାଙ୍କ ଫେସବୁକ ହ୍ୟାଣ୍ଡେଲ ଜରିଆରେ ତାଙ୍କର ଆଗାମୀ ପୌରାଣିକ ୱେବ୍ ସିରିଜର ପ୍ରଥମ ଲୁକ୍ ଟିଜର ସେୟାର କରିଛନ୍ତି | ଏହି ୱେବ୍ ସିରିଜ୍ କୁ ଧୋନି ଇଣ୍ଟରଟେନମେଣ୍ଟ କମ୍ପାନୀ ଦ୍ୱାରା ପ୍ରସ୍ତୁତ କରାଯାଉଛି | 2019ରେ ଧୋନି ଏବଂ ତାଙ୍କ ପତ୍ନୀ ସାକ୍ଷୀ ଙ୍କ ଦ୍ୱାରା ଏଣ୍ଟରଟେନମେଣ୍ଟ କମ୍ପାନୀ ପ୍ରତିଷ୍ଠିତ ହୋଇଥିଲା | ଧୋନିଙ୍କ ଦ୍ୱାରା ସେୟାର କରାଯାଇଥିବା କ୍ଲିପରେ ସେ ଯୋଦ୍ଧା ବେଶରେ ନଜର ଆସୁଛନ୍ତି |
ଧୋନିଙ୍କ ୱେବ୍ ସିରିଜ୍ ବିଜ୍ଞାନ ଫିକ୍ସନ ଉପରେ ଆଧାରିତ | ପୁସ୍ତକଟି ଏକ ପୌରାଣିକ ବିଜ୍ଞାନ -କାହାଣୀ, ଯେଉଁଥିରେ ଏକ ରହସ୍ୟମୟ ଅଘୋରୀର ଯାତ୍ରା ବିଷୟରେ ବର୍ଣ୍ଣନା କରାଯାଇଛି | ଏଥିସହ ଏହି ୱେବ୍ ସିରିଜ୍ ମାଧ୍ୟମରେ ସମାଜରେ ଚାଲିଥିବା ପୁରୁଣା ଅନ୍ଧବିଶ୍ୱାସକୁ ଭାଙ୍ଗିବା ପାଇଁ ଏକ ପ୍ରୟାସ କରାଯାଇଛି |
ଭାରତ କ୍ରିକେଟ ଜଗତର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ଖେଳରେ ତାଙ୍କ କମାଲ ଦେଖାଇ ସାରିଛନ୍ତି | ତାଙ୍କର ଦମଦାର ବ୍ୟାଟିଂ ଯୋଗୁ ଆଜି ବି ଲକ୍ଷ ଲକ୍ଷ ପ୍ରଶଂସକ ତାଙ୍କ ଉପରେ ଫିଦା | ଏବେ ସେ ଏଣ୍ଟରଟେନମେଣ୍ଟ ଦୁନିଆରେ ପାଦ ଥାପିଛନ୍ତି |
