ଚାଲନ୍ତୁ ଜାଣିବା ପାକିସ୍ତାନ ଅଧିକୃତ କାଶ୍ମୀର ଉପରେ କଣ କହିଲେ କେନ୍ଦ୍ର ମନ୍ତ୍ରୀ

ଆଳୁ ଏବଂ ପିଆଜର ମୂଲ୍ୟ ହ୍ରାସ କରିବା ପାଇଁ ମୋଦୀ ପ୍ରଧାନମନ୍ତ୍ରୀ ହୋଇନାହାଁନ୍ତି। ପିଆଜ ଭଳି ରୋଷେଇ ସାମଗ୍ରୀର ମୂଲ୍ୟ ବୃଦ୍ଧି ନେଇ ଲୋକମାନେ ଅଭିଯୋଗ କରନ୍ତି, କିନ୍ତୁ ପିଜା ଏବଂ ମଟନ୍ କିଣିବାକୁ ଦ୍ୱିଧା କରନ୍ତି ନାହିଁ | 2024 ସୁଦ୍ଧା ପାକିସ୍ତାନ ଅଧିକୃତ କାଶ୍ମୀର (PoK) ଭାରତର ଏକ ଅଂଶବିଶେଷ ହୋଇପାରେ ବୋଲି କେନ୍ଦ୍ର ମନ୍ତ୍ରୀ ତଥା ବିଜେପି ନେତା କପିଲ ପାଟିଲ ଦାବି କରିଛନ୍ତି | ଶନିବାର ରାତିରେ ମହାରାଷ୍ଟ୍ରର ଥାନେ ଜିଲ୍ଲାର କଲ୍ୟାଣ ସହରରେ ଆୟୋଜିତ ଏକ କାର୍ଯ୍ୟକ୍ରମରେ ପଞ୍ଚାୟତ ରାଜ ବ୍ୟାପାର ମନ୍ତ୍ରୀ କପିଲ ପାଟିଲ ଏହି ଦାବି କରିଛନ୍ତି | ଦେଶ ପାଇଁ ଅନେକ “ସାହସିକ” ନିଷ୍ପତ୍ତି ନେଇଥିବାରୁ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଗୃହମନ୍ତ୍ରୀ ଅମିତ ଶାହାଙ୍କୁ ପ୍ରଶଂସା କରିଛନ୍ତି।
ପାଟିଲ ମରାଠୀ ଭାଷାରେ ସମ୍ବୋଧନ କରି କହିଛନ୍ତି, “ମୋଦୀ ଜି ଥରେ କହିଥିଲେ ଯେ ଯେତେବେଳେ ପିଭି ନରସିଂହ ରାଓ ପ୍ରଧାନମନ୍ତ୍ରୀ ଥିଲେ, ସେତେବେଳେ ସେ ମିଳିତ ସଂସଦ ଅଧିବେଶନ ଡାକିଥିଲେ ଏବଂ ଏଥିରେ ଏକ ଆଇନ ପ୍ରଣୟନ କରିଥିଲେ। ସେ କହିଥିଲେ କାଶ୍ମୀର ଦେଶର ସବୁଠାରୁ ବଡ ସମସ୍ୟା। କାଶ୍ମୀରର ଗୋଟିଏ ଅଂଶ ପାକିସ୍ତାନରେ ଅଛି ଏବଂ କେବେ ନ କେବେ ଆମକୁ ସେହି ଅଂଶକୁ ଫେରାଇ ଆଣିବାକୁ ପଡିବ | କେବଳ ସେତେବେଳେ ହିଁ ଯାଇ ଏହି ସମସ୍ୟାର ସମାଧାନ ହୋଇପାରିବ ବୋଲି ସେ କହିଛନ୍ତି।

ସେ କହିଛନ୍ତି, “ତା’ପରେ ମୋଦୀ ଜୀ କହିଥିଲେ … ଏହା ତୁମର କାମ, ଏହା ତୁମ ଦ୍ୱାରା ହୋଇପାରିଲା ନାହିଁ, ସେଥିପାଇଁ ଆମେ ଏହା କରୁଛୁ। ନରସିଂହ ରାଓ, ଅମିତ ଭାଇଙ୍କ ଭଳି ଜଣେ ଚାଣକ୍ୟ ଥିଲେ। ସେମାନେ ଦେଶର ହିତ ପାଇଁ ବିଚାର କରି ଏହି ନିୟମକୁ ମିଳିତ ସଂସଦ ଅଧିବେଶନରେ ପାସ କରାଇଥିଲେ | ଏବେ ଦେଖିବା, ଆଉ ଅପେକ୍ଷା କରିବା | ବୋଧହୁଏ 2024 ସୁଦ୍ଧା ପାକ୍ ଦଖଲ କରିଥିବା କାଶ୍ମୀର ଭାରତକୁ ଆସିଯିବ । ଏହା ଆଶା କରିବାର କୌଣସି କ୍ଷତି ନାହିଁ, କାରଣ ମୋଦୀ ଜି ହିଁ କେବଳ ଏହା କରିପାରିବେ। ତେଣୁ ଆଳୁ, ପିଆଜ, ହରଡ଼ ଡାଲି ଏବଂ ମୁଗ ଡାଲି ମୂଲ୍ୟ ବୃଦ୍ଧି ସମସ୍ୟଠୁ ଆମେ ବାହାରକୁ ଆସିବା ଉଚିତ୍ ” ବୋଲି ବିଜେପି ନେତା କପିଲ ପାଟିଲ କହିଛନ୍ତି |