ଟୋକିଓ ଅଲମ୍ପିକ୍ସରେ ସ୍ୱର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଥିବା ଷ୍ଟାର ଖିଲାଡି ନୀରଜ ଚୋପ୍ରାଙ୍କୁ ‘ପରମ ବିଶିଷ୍ଟ ସେବା ମେଡାଲ’ ରେ ସମ୍ମାନିତ କରାଯିବ। ତାଙ୍କୁ ଏହି ସମ୍ମାନ ସାଧାରଣତନ୍ତ୍ର ଅବସରରେ ପ୍ରଦାନ କରାଯିବ | ନୀରଜ ଭାରତୀୟ ସେନାର ରାଜପୁତାନା ରାଇଫଲ୍ସରେ ମୁତୟନ ଅଛନ୍ତି | ମୋଟ 384 ଜଣଙ୍କ ପାଇଁ ବୀରତା ପୁରସ୍କାର ଘୋଷଣା କରାଯାଇଛି |
73 ତମ ଗଣତନ୍ତ୍ର ଦିବସ ଅବସରରେ ରାଷ୍ଟ୍ରପତିଙ୍କ ଦ୍ୱାରା 384 ଜଣଙ୍କୁ ଏହି ବୀରତା ପୁରସ୍କାର ପ୍ରଦାନ କରାଯିବାକୁ ଘୋଷଣା କରାଯାଇଛି | ଏଥିରେ 12 ଜଣଙ୍କୁ ସୌର୍ଯ୍ୟ ଚକ୍ର, 29 ଜଣଙ୍କୁ ‘ପରମ ବିଶିଷ୍ଟ ସେବା ମେଡାଲ, 4 ଜଣଙ୍କୁ ଉତ୍ତମ ଯୁଦ୍ଧ ସେବା ମେଡାଲ, 53 ଜଣଙ୍କୁ ଅତି ବିଶିଷ୍ଟ ସେବା ମେଡାଲ ଏବଂ 13 ଯୁଦ୍ଧ ସେବା ମେଡାଲ ଅନ୍ତର୍ଭୁକ୍ତ | ଏହା ବ୍ୟତୀତ 122 ବିଶିଷ୍ଟ ସେବା ମେଡାଲ, 81 ସେନା ମେଡାଲ (ଗାଲାଣ୍ଟ୍ରି), 2 ବାୟୁ ସେନା ମେଡାଲ, 40 ସେନା ମେଡାଲ, 8 ନୌସେନା ମେଡାଲ, 14 ବାୟୁ ସେନା ମେଡାଲ ସାମିଲ ଅଛି |
