କଂଗ୍ରେସର ବନ୍ଦ ଡାକରା ପାଇଁ ୨ ଦିନ ବନ୍ଦ ରହିବ ସ୍କୁଲ

ଭୁବନେଶ୍ୱର: ଆସନ୍ତାକାଲି ଓ ମଙ୍ଗଳବାର ଦୁଇଦିନ ଯାଏ ବନ୍ଦ ରହିବ ସ୍କୁଲ ।  ରାଜ୍ୟର ସବୁ ସ୍କୁଲ ବନ୍ଦ କରିବାକୁ ନିଷ୍ପତ୍ତି । କଂଗ୍ରେସ ଓଡିଶା ବନ୍ଦ ଡାକରା ଦେଇଛି । ଏବଂ ଏହାକୁ ଦୃଷ୍ଟିରେ ରଖି ପିଲାଙ୍କ ସୁରକ୍ଷା ପାଇଁ ସ୍କୁଲ ବନ୍ଦ ନିଷ୍ପତ୍ତି ନେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାସ । ୧୫ ଓ ୧୬ ଦୁଇ ଦିନ ସ୍କୁଲ ବନ୍ଦ ରହିବ ।ସେହିପରି ସୋମବାର ଓଡିଶା ବନ୍ଦ ପାଇଁ ସ୍କୁଲ ବନ୍ଦ ରହୁଥିବାରୁ ୧୬ରେ ସରସ୍ୱତୀ ପୂଜା ପାଇଁ ସ୍କୁଲ ବନ୍ଦ ରହିବ ବୋଲି ନିଷ୍ପତ୍ତି  ନିଆଯାଇଛି । ପିଲାଙ୍କ ସୁରକ୍ଷା ପାଇଁ ସ୍କୁଲରେ ସରସ୍ୱତୀ ପୂଜା ପାଳନ କିରବାରେ ରୋକ ଲାଗିଛି । ତେଣୁ ଲଗାତାର ୨ଦିନ ଯାଏଁ ସ୍କୁଲ ବନ୍ଦ ରହିବ ବୋଲି ଗଣଶିକ୍ଷା ମନ୍ତ୍ରୀ ସମୀର ଦାଶ ସୂଚନା ଦେଇଛନ୍ତି । ସୂଚନାଯୋଗ୍ୟ,ପେଟ୍ରୋଲ, ଡିଜେଲ୍ ସହ ଏଲ୍‌ପିଜି ଗ୍ୟାସ୍‌ ଦର ଅହେତୁକ ଭାବେ ବଢ଼ି ଚାଲିଥିବାରୁ ଆସନ୍ତାକାଲି କଂଗ୍ରେସ ପକ୍ଷରୁ ୬ ଘଣ୍ଟା ଓଡ଼ିଶା ବନ୍ଦ ଡାକରା ଦିଆଯାଇଛି। ସକାଳ ୭ଟାରୁ ଦିନ ଗୋଟାଏ ଯାଏ ଅର୍ଥାତ ୬ ଘଣ୍ଟା ଯାଏ ବନ୍ଦ ଡାକରା ଦେଇଛି କଂଗ୍ରେସ ।