ବ୍ରାଉନ ସୁଗାର କାରବାର କରୁଥିବା ଅଭିଯୋଗରେ ଶାଶୁ ଓ ଜ୍ୱାଇଁ ଗିରଫ

ଜଗତସିଂହପୁର ଅଞ୍ଚଳରେ ଧଳା ଜହର ବା ବ୍ରାଉନ ସୁଗାର କାରବାର ବୃଦ୍ଧି ପାଇବାରେ ଲାଗିଛି l ବ୍ରାଉନ ସୁଗାର କାରବାର କରୁଥିବା ଅଭିଯୋଗରେ ପୋଲିସ ଆଜି ଜଣେ ଶାଶୁ ଓ ଜ୍ୱାଇଁଙ୍କୁ ଗିରଫ କରିଛି l ଜଗତସିଂହପୁର ପୋଲିସ ବଡବାଗ ମାର୍କଣ୍ଡପୁରରେ ଚଢ଼ାଉ କରି ସେମାନଙ୍କ ନିକଟରୁ ୪୧ ଗ୍ରାମ ଧଳା ଜହର, ନଗଦ ୫୪୦୦ ଟଙ୍କା ଓ ଏକ ଓଜନ ମେସିନ ଜବତ କରିଛି l ଗିରଫ 2 ଜଣ ହେଲେ ବଡବାଗ ଗ୍ରାମର ବାସୁଦେବ ପାତ୍ରଙ୍କ ପତ୍ନୀ ବିମଳା ପାତ୍ର ଏବଂ ତାଙ୍କ ଜ୍ୱାଇଁ ଗୋବିନ୍ଦ ପାତ୍ରଙ୍କ ପୁଅ ଏକାଦଶୀ ପାତ୍ର ଓରଫ ଦୂଷିଆ l
ସ୍ଥାନୀୟା ମାର୍କଣ୍ଡପୁର ଗୋପାଳସାଗର ଅଞ୍ଚଳରେ ଧଳା ଜହର ବ୍ୟବସାୟ ବୃଦ୍ଧି ପାଉଥିବାବେଳେ ପୋଲିସର ଘନ ଘନ ଚଢ଼ଉରେ ନିଦ ହଜି ଯାଇଛି ଚୋରା ବ୍ରାଉନ ସୁଗାର କାରବାର କରୁଥିବା ବେପାରୀମାନଙ୍କର l ପୁରୁଣା ଵ୍ୟଵସାୟୀ ସବୁ ଗିରଫ ହେବା ପରେ ଏବେ କିଛି ନୂଆ ଵ୍ୟଵସାୟୀ ସୃଷ୍ଟି ହେଇଛନ୍ତି l ପୋଲିସ ଵ୍ୟଵସାୟୀଙ୍କର ତଥ୍ୟ ସଂଗ୍ରହ କରି ଅତର୍କିତ ଚଢ଼ାଉ କରୁଥିବା ବେଳେ ଗତକାଲି ପୋଲିସ କୌଣସି ସୂତ୍ରରୁ ଖବର ପାଇ ମାର୍କଣ୍ଡପୁର ଗ୍ରାମରେ ଚଢ଼ାଉ କରି ସେମାନଙ୍କୁ ଧରିଥିଲା l ସେମାନଙ୍କ ବିରୋଧରେ ମାମଲା ରୁଜୁ କରାଯାଇ ଆଜି ଶାଶୁ ଓ ଜ୍ୱାଇଁଙ୍କୁ କୋର୍ଟ ଚାଲାଣ କରାଯାଇଛି l