ଭାରତୀୟ ଜୁନିୟର ହକି ଟିମ୍‌ରେ ୩ ଓଡ଼ିଆ || 3 Odia players have found place in Indian Hockey team #NNSODIA

ରାଜଧାନୀ ଭୁବନେଶ୍ବରରେ ହେବ ଜୁନିୟର ହକି ମହାକୁମ୍ଭ । ନଭେମ୍ବର ୨୪ ତାରିଖରେ କଳିଙ୍ଗ ଷ୍ଟାଡିୟମରେ ଆରମ୍ଭ ହେବ ଜୁନିଅର ହକି ବିଶ୍ୱକପ। ଏଥିପାଇଁ ଭାରତୀୟ ପୁରୁଷ ଜୁନିୟର ହକି ଦଳ ୧୮ ଜଣିଆ ଟିମ ଘୋଷଣା କରିଛି । ଏହି ଦଳରେ ୩ଜଣ ଓଡିଆ ଖେଳାଳି ସ୍ଥାନ ପାଇଛନ୍ତି । ସେମାନେ ହେଲେ ସୁନିଲ ଜୋଜୋ, ସୁଦୀପ ଚିରିମାକୋ, ଅଭିଷେକ ଲାକ୍ରା । ସୂଚନା ମୁତାବକ ଭାରତୀୟ ହକି ଦଳରେ ବିବେକ ସାଗର ପ୍ରସାଦ ଅଧିନାୟକ ଓ ଡିଫେଣ୍ଡର ସଞ୍ଜୟ ଉପଅଧିନାୟକ ରହିବେ। ବିଶ୍ୱକପରେ ମୋଟ ୧୬ଟି ଟିମ୍ ଅଂଶଗ୍ରହଣ କରିବେ। ପ୍ରଥମ ମ୍ୟାଚରେ ଫ୍ରାନ୍ସ ସହ ମୁହାଁମୁହିଁ ହେବ ଭାରତ । ଏଥିପାଇଁ ଭାରତୀୟ ହକି ଟିମ୍ ଭୁବନେଶ୍ୱରରେ ପହଞ୍ଚି ସାରିଛି ଓ ନିଜର ପ୍ରାକ୍ଟିସ ମଧ୍ଯ ଆରମ୍ଭ କରିସାରିଛି । ତେବେ ଆସନ୍ତା ୧୫ ତାରିଖରେ ଅନ୍ୟ ଟିମ୍‌ ଭୁବନେଶ୍ୱରରେ ପହଞ୍ଚିବାର କାର୍ଯ୍ୟକ୍ରମ ରହିଛି । ସମ୍ପୂର୍ଣ୍ଣ କୋଭିଡ କଟକଣାରେ ଏହି ଟୁର୍ଣ୍ଣାମେଣ୍ଟ ହେବ। ଏଥିରେ ସାମିଲ ହୋଇପାରିବେନି ଦର୍ଶକ । ଖେଳାଳୀ ଓ ଷ୍ଟାଫଙ୍କ ପ୍ରତିଦିନ ହେବ ଆରଟିପିସିଆର ଟେଷ୍ଟ ।