ମହାନଦୀରେ ଗାଧୋଇବା ହେଲା କାଳ | ଗାଧୋଇବା ବେଳେ ପାଣିରେ ବୁଡ଼ିଗଲେ ଦୁଇ ଭାଇ | ଏଭଳି ଦୁଃଖଦ ଘଟଣା ଘଟିଛି ଜଗତସିଂହପୁର ଜିଲ୍ଲା କୁଜଙ୍ଗର ପଥୁରିଆ ଗାଁରେ। ମୃତକ ଦ୍ୱୟ ହେଲେ ଅଭିଜିତ ସାହୁ ଓ ରାଜୀବ ଲୋଚନ ସାହୁ । ସେମାନେ ଯୁକ୍ତ ଦୁଇର ଛାତ୍ର ଥିଲେ।
ସୂଚନା ଅନୁଯାୟୀ, ଦୁଇ ଭାଇ ଆଜି ସକାଳ 10ଟାରେ ମହାନଦୀକୁ ଗାଧୋଇବାକୁ ଯାଇଥିଲେ | ଏହି ସମୟରେ ହଟାତ ନଦୀର ପ୍ରଖର ସୁଅ ମାଡି ଆସିବାରୁ ଦୁହେଁ ନଦୀ ଭିତରକୁ ଭାସି ଯାଇଥିଲେ l ସେଠାରେ ଥିବା ସ୍ଥାନୀୟ ଲୋକେ ତାଙ୍କ ପରିବାରକୁ ଖବର ଦେଇ ନଦୀରେ ଖୋଜା ଖୋଜି କରିଥିଲେ | କିଛି ସମୟ ଖୋଜିବା ପରେ ଉଭୟଙ୍କୁ ମୁର୍ମୁସ ଅବସ୍ଥାରେ ଉଦ୍ଧାର କରି କୁଜଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ l କିନ୍ତୁ ଡାକ୍ତର ସେଠାରେ ତାଙ୍କୁ ମୃତ୍ୟୁ ଘୋଷଣା କରିଥିଲେ l କିଛି ସମୟ ଧରି ସେଠାରେ ଉତ୍ତେଜନା ସୃଷ୍ଟି ହୋଇଥିଲା | ଖବର ପାଇ କୁଜଙ୍ଗ ପୋଲିସ ଘଟଣାସ୍ଥଳରେ ପହଂଚି ଶବକୁ ଜବତ କରିବା ସହିତ ତଦନ୍ତ ଆରମ୍ଭ କରିଛି | ଦୁଇ ଭାଇଙ୍କ ଅକାଳ ମୃତ୍ୟୁ ପରେ ପରିବାରରେ ଶୋକର ଛାୟା ଖେଳିଯାଇଛି | ତେବେ ଗତ କିଛି ଦିନ ତଳେ ଯୋବ୍ରାରେ ବୁଡି ୩ ଛାତ୍ରଙ୍କ ମୃତ୍ୟୁ ହୋଇଥିଲା ।
