୭ମ ଜିଲ୍ଲାସ୍ତରୀୟ ରେଡକ୍ରସ ତାଲିମ ଶିବିର ଉଦଘାଟିତ

ନବରଙ୍ଗପୁର ଜିଲ୍ଲା ସହର ସ୍ଥିତ ରାଜା ଚୈତନ ଦେବ ଉଚ୍ଚ ବିଦ୍ୟାଳୟରେ ୭ମ ଜିଲ୍ଲା ସ୍ତରୀୟ ରେଡକ୍ରସ ତାଲିମ ଶିବିର ଉଦଘାଟିତ ହୋଇଯାଇଛି ।ମୁଖ୍ୟ ଅତିଥି ନବରଙ୍ଗପୁର ବିଧାୟକ ଗୌରୀଶଙ୍କର ମାଝୀ ଓ ଡାବୁଗାଁ ବିଧାୟକ ମୋନହର ରନ୍ଧାରୀ ଉପସ୍ଥିତ ରହି ଉଦଘାଟିତ କରିଛନ୍ତି ।ଜିଲ୍ଲାର ଛାତ୍ରଛାତ୍ରୀ ମାନଙ୍କୁ ଏହି ତାଲିମ ଦେବାର କାର୍ଯ୍ୟକ୍ରମ ରହିଥିବା ନବରଙ୍ଗପୁର ଜିଲ୍ଲା ଶିକ୍ଷା ଅଧିକାରୀ ଛତ୍ରପତି ସାହୁ କହିଛନ୍ତି ।ଏହି ୧୦ ତାରିଖ ପର୍ଯ୍ୟନ୍ତ ହେବ ବୋଲି ଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି। ଲୋକଙ୍କ ସେବା ମନଭାଵ, ଦୁର୍ଘଟଣା ରେ ଶିକାର ହୋଇଥିବା ବ୍ୟକ୍ତିଙ୍କୁ ଉଦ୍ଧାର କରିବା, ଅସହାୟ ବ୍ୟକ୍ତିଙ୍କୁ ସାହାର୍ଯ୍ୟ କରିବା ଏପରି ତାଲିମ ଛାତ୍ରଛାତ୍ରୀ ଙ୍କୁ ଦିଆଯିବ ।ଯାହାକି ସେମାନେ ଏହି ତାଲିମ ପାଇ ମହତ କାର୍ଯ୍ୟରେ ଲଗାଇବେ ।ଏହି କାର୍ଯ୍ୟକ୍ରମ ରେ ଜିଲ୍ଲାର ୪ ଶହରୁ ୫ ଶହ ଛାତ୍ରଛାତ୍ରୀ ଭାଗ ନେଇଥିବାର ଓ ୧୦ ତାରିଖରେ ରକ୍ତ ଦାନ ଦେବାର ବ୍ୟବସ୍ଥା ରହିଥିବା ଶିକ୍ଷା ଅଧିକାରୀ ସୂଚନା ଦେଇଛନ୍ତି ।ଏହି ତାଲିମ ଶିବିରରେ ବିଭିନ୍ନ ବିଦ୍ୟାଳୟ ରୁ ଶିକ୍ଷକ ଶିକ୍ଷୟତ୍ରୀ ମାନେ ଉପସ୍ଥିତ ରହି ଛାତ୍ରଛାତ୍ରୀ ଙ୍କୁ ଉତ୍ସାହିତ କରିଥିଲେ ।