୫ କେଜି ଓଜନର ଶିଶୁ ବଜ୍ରକାପ୍ତା ଉଦ୍ଧାର

ନୂଆପଡା ଜିଲ୍ଲା କୋମନା ରେଞ୍ଜ ଅଧିନସ୍ଥ ମହୁଳଭଟା ଗାଁରୁ ୫ କେଜି ଓଜନ ବିଶିଷ୍ଟ ଏକ ଶିଶୁ ବଜ୍ରକାପ୍ତା ଉଦ୍ଧାର ହୋଇଛି ।ସୂଚନା ଅନୁସାରେ ରବିବାର ସନ୍ଧ୍ୟା ୮ ଘଣ୍ଟା ସମୟରେ ସେହି ଗ୍ରାମର କୁମୁଦ ଶବର ଙ୍କ ଘର ସମ୍ମୁଖରେ ହଠାତ କୁକୁର ମାନେ ବୋବାଇଥିଲେ । କୁକୁରମାନେ କାହିଁକି ବୋବାଉଛନ୍ତି ବୋଲି କୁମୁଦ ଓ ଅନ୍ୟ ଯୁବକ ମାନେ ଘରୁ ବାହାରି ଦେଖିଲେ ଯେ ବଜ୍ର କାପ୍ତା ଗୋଟିଏ ବୁଲୁଥିଲା ।ତାକୁ ଯୁବକ କୁମୁଦ ଓ ଅନ୍ୟମାନେ ଉଦ୍ଧାର କରି ଘରେ ରଖି ବନ ବିଭାଗକୁ ଖବର ଦେଇଥିଲେ ।ଖବର ପାଇ ବନ ବିଭାଗ ରେଞ୍ଜର ଦେବଦତ୍ତ ସୁତାରଙ୍କ ନେତୃତ୍ୱରେ ଏକ ଟିମ ଗାଁରେ ପହଂଚି ଜୀଅନ୍ତା ବଜ୍ରକପ୍ଟା କୁ ଉଦ୍ଧାର କରି ନେଇଥିଲେ ।ପରୀକ୍ଷା ନିରୀକ୍ଷା ଓ ଚିକିତ୍ସା ପରେ ସୁରକ୍ଷିତ ଭାବେ ଜଙ୍ଗଲରେ ଛଡ଼ାଯିବ ବୋଲି ରେଞ୍ଜର କହିଛନ୍ତି ।