୨ ଦିନ ହେବ ନିଖୋଜ ଥିବା ଯୁବକଙ୍କ ମୃତଦେହ ଉଦ୍ଧାର

ଭୁବନେଶ୍ୱର: ରାଜଧାନୀ ଶୈଳେଶ୍ରୀ ବିହାରର ଏକ ହୋଟେଲରୁ ଯୁବକଙ୍କ ମୃତଦେହ ଉଦ୍ଧାର । ମୃତକ ବାଣିଜ୍ୟ ତୃତୀୟ ବର୍ଷର ଛାତ୍ର ଅଭିଷେକ ନାୟକ ବୋଲି ଜଣାପଡ଼ିଛି । ଗତ ୨୨ ତାରିଖରୁ ସେ ନିଖୋଜ ଥିଲେ । ଗତକାଲି ବିଳମ୍ବିତା ରାତିରେ ହୋଟେଲର ଦ୍ୱାର ଭାଙ୍ଗି ପୋଲିସ ମୃତଦେହକୁ ଉଦ୍ଧାର କରିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବାବେଳେ ତଦନ୍ତ ଜାରି ରଖିଛି ସହିଦନଗର ଥାନା ପୋଲିସ । ଶବ ବ୍ୟବଚ୍ଛେଦ ପାଇଁ ଯୁବକଙ୍କ ମୃତ ଦେହକୁ କ୍ୟାପିଟାଲ ହସ୍ପିଟାଲରେ ରଖାଯାଇଛି । ତେବେ ଏଠାରେ ବଡ଼ ପ୍ରଶ୍ନ ହେଉଛି ଯେ ଯୁବକ ଜଣଙ୍କ ନିଜେ ଭୁବନେଶ୍ୱର ଆସିଥିଲେ ନା ତାଙ୍କୁ କେହି ନେଇ ଆସିଥିଲେ । ପୋଲିସ ହୋଟେଲର ସିସିଟିଭ ଫୁଟେଜ ଯାଞ୍ଚ କରିବା ସହ ସେ ହୋଟେଲରେ କେଉଁ ନାଁରେ ରେଜିଷ୍ଟର କରିଥିଲେ ଏବଂ ତାଙ୍କ ସହ ଆଉ କିଏ ଆସିଥିଲେ, ସେସବୁର ଯାଞ୍ଚ କରିବ ପୋଲିସ । ଯୁବକ ନିଖୋଜ ହେବାର ୨ ଦିନ ପରେ ପରିବାର ଲୋକ କଟକ ସଦର ଥାନାରେ ନିଖୋଜ ହେବାର ଏତଲା ଦେଇଥିଲେ । ଯୁବକଙ୍କଙ୍କ କାହା ସହ ଶତୃତା ଥିଲା ସେସବୁ ଦିଗକୁ ନେଇ ପୋଲିସ ଯାଞ୍ଚ ଆରମ୍ଭ କରିଛି ।