ମନରୁ ଆଜିବି ଲିଭିନି ୨୦୧୯ ଦିନିକିଆ ବିଶ୍ୱକପ୍ ସେମିଫାଇନାଲ । ମାତ୍ର ୨୪୦ ରନର ବିଜୟ ଲକ୍ଷ୍ୟକୁ ନେଇ ଓଲ୍ଡ ଟ୍ରାଫଡ୍ ଗ୍ରାଉଣ୍ଡରେ ଧରାଶାୟୀ ହୋଇଥିଲା ଟିମ୍ ଇଣ୍ଡିଆ । ଧୋନିଙ୍କ ରନ ଆଉଟ୍ ଓ ମାର୍ଟିନ ଗପ୍ଟିଲଙ୍କ ଥ୍ରୋ ଆଜି ବି ପ୍ରତିଟି ଭାରତୀୟଙ୍କ ମନକୁ କନ୍ଦାଇଥାଏ । ହେଲେ ବଦଲା ପୂରଣ କରିବାର ସୁଯୋଗ ଏବେ ପୁଣି ଥରେ ଆସି ଯାଇଛି ।
ଫାଇନାଲରେ ଏବେ ପହଞ୍ଚିଛି ନୁ୍ୟଜଲ୍ୟାଣ୍ଡ । ୫୦ ରନରେ ଦକ୍ଷିଣ ଆଫ୍ରିକାକୁ ହରାଇ ବିଜୟ ହାସଲ କରିଛି ନୁ୍ୟଜଲ୍ୟାଣ୍ଡ । ଏବେ ପୁଣି ଭାରତ ସହ ମୁହାଁମୁହିଁ ହେବ ନୁ୍ୟଜଲାଣ୍ଡ । ଏଥର କିନ୍ତୁ ଟାଇଟେଲ ପାଇଁ ହେବ ଲଢେଇ । ଚାମ୍ପିୟନ ଟ୍ରଫି ଟାଇଟେଲ ପାଇଁ ଲଢିବେ ଭାରତ ନୁ୍ୟଜଲାଣ୍ଡ । ଦୁବାଇ ଇଣ୍ଟରନ୍ୟାସନାଲ କ୍ରିକେଟ ଷ୍ଟାଡିୟମରେ ଫାଇନାଲ ମ୍ୟାଚ୍ ଖେଳାଯିବା ନେଇ ସ୍ଥିର ହୋଇଛି ।
ତେବେ ଭାରତ ନୁ୍ୟଜଲ୍ୟାଣ୍ଡ ମ୍ୟାଚ୍ କଥା ଆସିଲେ କ୍ରିକେଟପ୍ରେମୀ ଫେରି ଯାଉଛନ୍ତି ୨୦୧୯ ବିଶ୍ୱକପ୍ ସେମିଫାଇନାଲକୁ । ଭାରତ ସେମିଫାଇନାଲରେ ପହଞ୍ଚିବି ଜିତି ପାରି ନଥିଲା । ସେଦିନ ବି ଅପର ପକ୍ଷରେ ଥିଲା ନୁ୍ୟଜଲ୍ୟାଣ୍ଡ ଦଳ । କିନ୍ତୁ ହାରିଯାଇଥିଲା ଭାରତ । ଧୋନୀଙ୍କ ଆଖିରେ ଲୁହ ଦେଖିଥିଲେ କ୍ରିକେଟ ପ୍ରେମୀ । ଅବସ୍ୟ ଏହି ମ୍ୟାଚ ପରେ ଦୁଇ ଦଳ ଏକାଠି ଖେଳି ସାରିଛନ୍ତି । କିନ୍ତୁ ନୁ୍ୟଜଲ୍ୟାଣ୍ଡ ଦଳକୁ ମାତ ଦେଇ ଟାଇଟେଲ ହାତେଇବାକୁ ଏଥରକ ଆଶା ରଖିଛି ଭାରତ ।
ତେବେ ମାର୍ଚ୍ଚ ୯ରେ ହେବ ଫାଇନାଲମ୍ୟାଚ୍ । ଏହି ଟୁରର୍ଣ୍ଣାମେଣ୍ଟରେ ଭାରତ ଏ ପର୍ଯ୍ୟନ୍ତ ଅପରାଜିତ ରହିଛି, ଯେତେବେଳେ କି ନୁ୍ୟଜଲ୍ୟାଣ୍ଡ କେବଳ ଭାରତଠୁ ହିଁ ପରାସ୍ତ ହୋଇଛି । ପୂର୍ବରୁ ଏହି ଦୁଇ ଦଳ ଆଇ ସି ସି ବିଶ୍ୱ ଟେଷ୍ଟ ଚାମ୍ପିଅନସିପ୍ ୨୦୨୧ର ଫାଇନାଲରେ ଭେଟିଥିଲେ, ଯେଉଁଠାରେ କି ନୁ୍ୟଜଲ୍ୟାଣ୍ଡ ଭାରତକୁ ପରାସ୍ତ କରି ସେମାନଙ୍କର ପ୍ରଥମ ଆଇ ସିସି ଇଭେଣ୍ଟ ଟାଇଟେଲ ଜିତିଥିଲା । ଆଉ ଏବେ ଭାରତ ଉପରେ ପୁରା ବିଶ୍ୱାସ ରଖିଛନ୍ତି କ୍ରିକେଟ ପ୍ରେମୀ । ଫାଇନାଲରେ ଭାରତ ନୁ୍ୟଜଲ୍ୟାଣ୍ଡକୁ ପରାସ୍ତ କରି ଚାମ୍ପିୟନ ଟ୍ରଫି ହାତେଇ ପାରୁଛି ନା ହିଁ ତାହା ଦେଖିବାକୁ ବାକି ରହିଲା । ବୁ୍ୟରୋ ରିପୋର୍ଟ ଏନଏନଏସ ଓଡ଼ିଆ ।
