୨ଟି ଗୋରୁ ବୋଝେଇ କଣ୍ଟେନର ଜବତ୍ । ବାଲେଶ୍ବର ଶେରଗଡ ଟୋଲ ଗେଟ ନିକଟରେ ୧୦୦ରୁ ଅଧିକ ଗୋରୁ ଉଦ୍ଧାର । ୬ ଗୋରୁ ଚାଲାଣକାରୀଙ୍କୁ ଅଟକ ରଖିଲା ଶେରଗଡ ଫାଣ୍ଡି ପୋଲିସ । ୧୬ନଂ ଜାତୀୟ ରାଜପଥରେ କଣ୍ଟେନରଟି କଲିକତା ଯାଉଥିବାବେଳେ ଶେରଗଡ ଟୋଲଗେଟ ନିକଟରେ କଣ୍ଟେନରକୁ ଯାଢ୍ଚ କରିଥିଲେ ଫାଣ୍ଡି ଅଧିକାରୀ । କଣ୍ଟେନର ଦୁଇଟିରୁ ୧୦୦ ରୁ ଉର୍ଦ୍ଧ୍ବ ଗୋରୁ ଉଦ୍ଧାର କରାଯାଇଥିଲା । ଗତକାଲି ବିଳମ୍ବିତ ରାତିରେ ଏହି ୨ କଣ୍ଟେନର ଗୋରୁ ନେଇ ଭଦ୍ରକରୁ ପଶ୍ଚିମବଙ୍ଗ ଅଭିମୁଖେ ଯାଉଥିବା ବେଳେ ସମ୍ପୃକ୍ତ ୨ କଣ୍ଟେନରକୁ ସେରଗଡ଼ ଟୋଲଗେଟ ନିକଟରେ ସ୍ଥାନୀୟ ଗୋରକ୍ଷକ ଏବଂ ପୁଲିସ ଅଟକାଇଥିଲେ । ଏହାପରେ ସେଠାରୁ ୨ କଣ୍ଟେନରରୁ ୧୦୨ ଗୋରୁଙ୍କୁ ଉଦ୍ଧାର କରାଯାଇଥିଲା। ଏହି ମାମଲାରେ ଖନ୍ତାପଡ଼ା ଥାନାରେ ପୁଲିସ ୪ ଜଣକୁ ଅଟକ ରଖିଛି । ଉଦ୍ଧାର ଗୋରୁଙ୍କୁ ନୀଳଗିରି ଗୋଶାଳାରେ ଛଡା ଯାଇଛି । କଣ୍ଟେନର ଡ୍ରାଇଭର୍ ସମେତ ୬ ଜଣକୁ ଖନ୍ତାପଡା ପୋଲିସ ଅଟକ ରଖିଛି ।
