୧୮ ବର୍ଷ ଧରି ୨୪ ଘଣ୍ଟିଆ ତପସ୍ୟାରେ ସାଧୁ

ଆମ ଦେଶରେ ଅନେକ ସାଧୁ ଅଛନ୍ତି ଯେଉଁମାନେ ସେମାନଙ୍କ ତପସ୍ୟାରେ ବ୍ୟସ୍ତ ଅଛନ୍ତି | ସର୍ବଦା ଈଶ୍ୱରଙ୍କୁ ପ୍ରସନ୍ନ କରିବା ପାଇଁ ସେମାନେ କଠିନ ତପସ୍ୟା କରନ୍ତି | ସାଧୁମାନେ ତପସ୍ୟା ଶେଷ କରିବାର ଶେଷ ପର୍ୟ୍ୟାୟ ପର୍ୟ୍ୟନ୍ତ କଠିନ  ତପ  କରନ୍ତି | ବାସ୍ତବରେ, ଦେଶର ଅନେକ ସାଧୁ ବିଭିନ୍ନ ପ୍ରକାରର ଜପ ଏବଂ ତପ କରନ୍ତି | ଅନେକେ ଖାଦ୍ୟ ଏବଂ ଜଳ ତ୍ୟାଗ ମଧ୍ୟ  କରନ୍ତି | ଏଥିପାଇଁ ସାଧୁଙ୍କୁ କଠିନ ପରିସ୍ଥିତି ଦେଇ ଗତି କରିବାକୁ ପଡିଥାଏ | ଏଭଳି ଜଣେ ମହାତ୍ମା ହେଉଛନ୍ତି ମହନ୍ତ ଆସ୍ତିକ ଗିରି ଖଡେଶ୍ୱରୀ ମହାରାଜ | ସେ ୨୪ ଘଣ୍ଟା ଛିଡା ହୋଇ ତପସ୍ୟା କରନ୍ତି | ଖଡେଶ୍ୱରୀ ମହାରାଜ କହିଛନ୍ତି ଯେ ମଣିଷ, ଜୀବ ଏବଂ ପଶୁମାନଙ୍କ କଲ୍ୟାଣ ପାଇଁ ସେ ଏହି ତପସ୍ୟା ଆରମ୍ଭ କରିଛନ୍ତି। ସେ ୨୦୦୫ରେ ତପସ୍ୟାର ଏକ ଶପଥ ନେଇଥିଲେ ଏବଂ ସେହି ଦିନଠାରୁ ସେ କ୍ରମାଗତ ୨୪ ଘଣ୍ଟା ଛିଡା ହୋଇ ନିଜର ଦୈନନ୍ଦିନ କାର୍ୟ୍ୟ ଜାରି ରଖିଛନ୍ତି | ତେବେ କେବଳ ଏକ ଝୁଲା ବା ଦୋଳିର ସାହାଯ୍ୟରେ ସେ ୨୪ ଘଣ୍ଟା ଛିଡା ହୋଇ ରୁହନ୍ତି | ସେ ଠିଆ ହେବା ସମୟରେ ମଧ୍ୟ ଶୋଇଥା’ନ୍ତି | ତେବେ ଥରେ ଯେତେବେଳେ ତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଏବଂ କିଛି ଦିନ ଶଯ୍ୟାରେ ବିଶ୍ରାମ ଦିଆଯାଇଥିଲା | ଏହାପରେ ସେ ପୁନର୍ବାର ତପସ୍ୟା ଆରମ୍ଭ କରିଥିଲେ | ଖଡେଶ୍ୱରୀ ମହାରାଜ କହିଛନ୍ତି ଯେ ଏହି ତପସ୍ୟାକୁ ଏବେ ୧୮ ବର୍ଷ ହୋଇସାରିଛି | ତଥାପି ତାଙ୍କ ଠିଆ ହେବାର ତପସ୍ୟା ଜାରି ରହିଛି। ଯଦି ତାଙ୍କୁ କୌଣସି ସ୍ଥାନକୁ ଯିବାକୁ ପଡେ ତେବେ ସେ ନିଜ ଗାଡି ପଛରେ ଛିଡା ହୋଇ ଯାଇଥାନ୍ତି | ସେ ଏହି ତପସ୍ୟା ଜୟ ଗୌରୀ ସନ୍ନ୍ୟାସ ଆଶ୍ରମ ଗୌରୀ ଧାମ ରାଜସ୍ଥାନର କୋଟାସ୍ଥିତ  ବାଳିକା ବାପୁ କଲୋନୀରେ ରହିଛି | ଗୌରୀ ଧାମକୁ ୩୫ ବର୍ଷ ପୁରିଲାଣି |  ପୂର୍ବରୁ ଏଠାରେ କେହି ନଥିଲେ, କେବଳ ଜଙ୍ଗଲ ଥିଲା | କିନ୍ତୁ ଏବେ ଏଠାରେ ଜନବସତି ହୋଇଗଲାଣି | ତେବେ ବର୍ତ୍ତମାନ ଏହି ଆଶ୍ରମରେ ଗୌସେବା କରାଯାଉଛି |