ସୁଦୂର ବିହାରରୁ ଧାଇଁ ଆସିଥିଲେ ଜଗା ଦର୍ଶନ କରିବା ପାଇଁ । ଭାବିଥିଲେ କାଳିଆର ଡୋରି ଲାଗିଛି ଏବେ କାଳିଆ ସାଆନ୍ତଙ୍କର ଦେଖା ମିଳିବ ବୋଲି । ଆଉ ମନରେ ଭକ୍ତି ଭାବ ନେଇ ଖୁସିରେ ପୁରୀ ଆସୁଥିଲେ ବିହାରର ୬ଜଣ ଭକ୍ତ । କିନ୍ତୁ ଜଗତର ନାଥ ଜଗନ୍ନାଥ କାହା ଭାଗ୍ୟରେ କେତେବେଳେ ଯେ କ’ଣ ଲେଖିଥାନ୍ତି, ତାହା କେବଳ ତାଙ୍କୁ ହିଁ ଜଣା । ଆଉ ଏମାନଙ୍କ ଭାଗ୍ୟରେ କ’ଣ ଲେଖାଥିଲା କେଜାଣି । ପୁରୀକୁ ଯାଇ ଜଗାଦର୍ଶନ କରିବା ପୂର୍ବରୁ ହଠାତ ବାଟରେ ଏମାନଙ୍କ ଗାଡିଟି ଦୁର୍ଘଟଣାଗ୍ରସ୍ତ ହେଲା । ଭୁବନେଶ୍ୱରରୁ ପୁରୀ ୩୧୬ ନଂ ଜାତୀୟ ରାଜପଥରେ ପୁରୀ ଅଭିମୁଖେ ଯାଉଥିବା ବେଳେ ମଙ୍ଗଳପୁର ନିକଟରେ ରାସ୍ତା ପାଶ୍ୱର୍ରେ ଥିବା ଏକ ଡିଭାଇଡରରେ ବୋଲେରୋଟି ପିଟିହୋଇ ଓଲଟି ପଡିଥିଲା । ଫଳରେ ବୋଲେରୋରେ ଥିବା ଛଅଜଣଙ୍କ ମଧ୍ୟରୁ ଦୁଇଜଣ ଗୁରୁତର ଅବସ୍ଥାରେ ମେଡିକାଲରେ ଚିକିତ୍ସିତ ହେଉଥିବା ଜଣାପଡିଛି । ଅନ୍ୟପଟେ ଘଟଣାସ୍ଥଳରେ ପୋଲିସ ପହଂଚି ତଦନ୍ତ ଜାରି ରଖିଛି ।
