ଏସୀୟ କ୍ରୀଡା କ୍ରିକେଟ ଫାଇନାଲରେ ଭାରତ । ବାଂଲାଦେଶକୁ ୯ ୱିକେଟରେ ମାତ୍ ଦେଇ ସହଜସାଧ୍ୟ ବିଜୟ ହାସଲ ସହ ଫାଇନାଲ ଟିକେଟ ହାତେଇଛି ଟିମ୍ ଇଣ୍ଡିଆ । ତିଲକ ବର୍ମାଙ୍କ ଧୂଆଁଧାର ଅର୍ଦ୍ଧଶତକ ଓ ଅଧିନାୟକ ଋତୁରାଜ ଗାଏକ୍ୱାର୍ଡଙ୍କ ଉପଯୋଗୀ ୪୦ ରନର ଇନିଂସ ବଳରେ ଭାରତ ୯୭ ରନର ବିଜୟଲକ୍ଷ୍ୟକୁ ମାତ୍ର ୯.୨ ଓଭରରେ ହାସଲ କରି ନେଇଥିଲା ।
୯ଶ ଏସିଆନ ଗେମ୍ସ କ୍ରିକେଟ ମ୍ୟାଚ୍ ଫାଇନାଲରେ ପ୍ରବେଶ କରିଛି ଭାରତୀୟ ଟିମ। ଆଜି ଟିମ ଇଣ୍ଡିଆ ବାଂଲାଦେଶକୁ ୯ ୱିକେଟରେ ପରାସ୍ତ କରି ଏସୀୟ କ୍ରୀଡ଼ାର ଫାଇନାଲ ଟିକେଟ ହାସଲ କରିଛି। ଏହି ମ୍ୟାଚ୍ରେ ତିଳକ ବର୍ମା ମାତ୍ର ୨୫ ବଲ୍ରୁ ବିସ୍ଫୋରକ ଅର୍ଦ୍ଧଶତକୀୟ ଇନିଂସ ଖେଳିଥିଲେ।
ଭାରତୀୟ ଅଧିନାୟକ ଋତୁରାଜ ଗାଏକ୍ୱାଡ ଟସ୍ ଜିତି ପ୍ରଥମେ ଫିଲ୍ଡିଂ ନିଷ୍ପତ୍ତି ନେଇଥିଲେ। ପରେ ବାଂଲାଦେଶ ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ମାତ୍ର ୯୬ ରନ କରିଥିଲା। ଏହାର ଜବାବରେ ଭାରତୀୟ ଟିମ ମାତ୍ର ୧ ୱିକେଟ ହରାଇ ବିଜୟ ଲକ୍ଷ୍ୟକୁ ୯.୨ ଓଭରରେ ହାସଲ କରିନେଇଥିଲେ।
