ସୋରଡା ରେ ପ୍ରସିଦ୍ଧ ଦଣ୍ଡ ନାଚ ଶୁଭାରମ୍ଭ

ସୋରଡ଼ା ବ୍ଲକ ରେ ବୁଧବାର ଠାରୁ 13 ଦିନିଆ ପାରମ୍ପରିକ ଦଣ୍ଡଯାତ୍ରା ଶୁଭାରମ୍ଭ ହୋଇଛି । ସୋରଡ଼ା ରେ ବଡ ପୁଞ୍ଜା, ସାନ ପୁଞ୍ଜା,ଖାରିଗୁଡା ପୁଞ୍ଜା 3 ଦଳ ସମେତ ମେରିକୋଟ, ଏକାଲପୁର, ବଡ଼ଗଡ଼ 2 ଦଳ, ସିଧପୁର, ସିଂଗିପୁର, ସୁରମଣୀ, ଲାଠିପଡ଼ା, କୁଲାଙ୍ଗୀ, ଖଜୁରୀପଲି, ହୁକୁମା ର 3 ଦଳ, ପାଲକାଟୁ, ରଗଡା, ତିନିଖଣ୍ଡିଆ ମୋଟ 19 ରୁ ଊର୍ଦ୍ଧ ଦଣ୍ଡ ଦଳ ଅଛନ୍ତି I ବିଭିର୍ଣ୍ଣ ଦଳ ରେ ବ୍ଲକ ର 26 ପଂଚାୟତ ର 200 ରୁ ଉର୍ଦ୍ଧ୍ୱ ଗ୍ରାମରୁ ଯୋଗ ଦେଇଛନ୍ତି 7000 ରୁ ଉର୍ଦ୍ଧ୍ୱ ଦଣ୍ଡୁଆ I ଢୋଲ, ମହୁରୀ, ଘଣ୍ଟ, ବାଦ୍ୟ ରେ 13 ଦିନ ଯାକ ପ୍ରକଂପିବ ଅଂଚଳ I ଏହି ଦିନରେ ରାତିରେ ନିଘଞ୍ଚ ସ୍ଥାନରେ ଦଣ୍ଡ ଦଳ ବିଶ୍ରାମ ନେବେ I ସେଠାରେ ପ୍ରସ୍ତୁତ ଦଣ୍ଡ ପ୍ରସାଦ କୁ ପାଇବା ପାଇଁ ସମସ୍ତ ଙ୍କ ଆତୁରତା ରହିଥାଏ I ଏତିକି ଦିନ ଏଠାରେ ବୃହତ ଜଳ ଭଣ୍ଡାର ରେ ମାଛ ଧରା ବନ୍ଦ ରହିଥାଏ I ଏହା ଛଡା ପ୍ରାୟ 70 ଭାଗ ଜନତା ଆମିଷ ଭକ୍ଷଣ ରୁ ଦୁରେଇ ରୁହନ୍ତି I ଦଣ୍ଡ ଦଳ ରେ ସହଯୋଗୀ, ନାଟ୍ୟଦଳ ମଧ୍ୟ ଶୁଦ୍ଧ ପୁତ ଭାବେ ରୁହନ୍ତି I ଅଂଚଳ ର ସମସ୍ତ ଗ୍ରାମରେ ଏହିଦିନ ମଧ୍ୟରେ ଜିଲ୍ଲା ର ବିଭିର୍ଣ୍ଣ ସ୍ଥାନ ରୁ ଦଣ୍ଡ ଦଳ ଙ୍କୁ ଅଣାଯାଇଥାଏ I ସବୁ ଜନତା ଏଥିରେ ଭାଗ ନିଅନ୍ତି I କିଏ ନାଟ ଦେଖେତ କିଏ ଆଳତୀ ଦର୍ଶନ କରେ କିଏ ଦଣ୍ଡ ଭଙ୍ଗା ଦେଖେତ କିଏ ପ୍ରସାଦ ପାଇଁ ଯାଇଥାନ୍ତି I ଧନୀ, ଗରିବ ସମସ୍ତେ ଏହିଦିନ କୁ ଅପେକ୍ଷା କରିଥାନ୍ତି I ଅଞ୍ଚଳର ବିଶିଷ୍ଠ ପୁରୋହିତ ତଥା ସାହିତ୍ୟିକ ପଣ୍ଡିତ ରାଧା କୃଷ୍ଣ ଦାଶ ଶର୍ମା ଙ୍କ କହିବା ଅନୁଯାଇ ଏହି ଯାତ୍ରା ଅଞ୍ଚଳର ସଂସ୍କୃତି ପରମ୍ପରା ତଥା ଧାର୍ମିକ ଭାବନା କୁ ଜାଗ୍ରତ କରାଇଥାଏ । ଦଣ୍ଡବ୍ରତ ଉପାସନା ଏକ ମହାନ ଧାର୍ମିକ ପରିବେଶ ସୃଷ୍ଠୀ କରାଇଥାଏ ।