ସୋନପୁର ବିଧାନସଭା ନିର୍ବାଚନ ମଣ୍ଡଳୀ ପାଇଁ ନାମାଙ୍କନ ପତ୍ର ଦାଖଲ କଲେ ବିଜେଡି ଓ ବିଜେପି ବିଧାୟକ ପ୍ରାର୍ଥି

ସୁବର୍ଣ୍ଣପୁର ଜିଲ୍ଲାର ସୋନପୁର ବିଧାନସଭା ନିର୍ବାଚନ ମଣ୍ଡଳୀ ପାଇଁ ନାମାଙ୍କନ ପତ୍ର ଦାଖଲ କଲେ ବିଜେଡି ଓ ବିଜେପି ବିଧାୟକ ପ୍ରାର୍ଥି । ପ୍ରଥମେ ବିଜେଡି ବିଧାୟକ ପ୍ରାର୍ଥି ନିରଞ୍ଜନ ପୂଝାରୀ ନିଜର ସମର୍ଥକଙ୍କ ସହିତ ସୋନପୁର ଉପ-ଜିଲ୍ଲାପାଳଙ୍କ କାର୍ୟ୍ୟାଳୟରେ ନାମାଙ୍କନ ପତ୍ର ଦାଖଲ କରିଥିଲେ । ସେହିପରି ବିଜେପିର ବିଧାୟକ ପ୍ରାର୍ଥି ପ୍ରମୋଦ ମହାପାତ୍ର ନିଜର ସମର୍ଥକଙ୍କ ସହିତ ଆସି ନାମାଙ୍କନ ଦାଖଲ କରିଛନ୍ତି । ଗତକାଲୀ ନିରଞ୍ଜନ ନିଜର ହଜାର ହଜାର ସମର୍ଥକଙ୍କ ସହିତ ସହରରେ ଶୋଭାଯାତ୍ରା ମାଧ୍ୟମରେ ଶକ୍ତି ପ୍ରଦର୍ଶନ କରିଥିଲେ । ଠିକ ସେହିପରି ଆଜି ବିଜେପି ବିଧାୟକ ପ୍ରାର୍ଥି ପ୍ରମୋଦ ମହାପାତ୍ର ମଧ୍ୟ ଏକ ବାଇକ ରାଲି କରି ନିଜର ଶକ୍ତି ପ୍ରଦର୍ଶନ କରିଛନ୍ତି । ଏହି ଶୋଭାଯାତ୍ରା ସୁରେଶ୍ବରୀ ମନ୍ଦିରରୁ ବାହାରି ସହର ପରିକ୍ରମା କରିବା ସହିତ ପାଣିଶିଆଲି ଠାରେ ପହଞ୍ଚିଥିଲା । ବିଜେଡି ବିଧାୟକ ପ୍ରାର୍ଥି ଷଷ୍ଟ ଥର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟିକେଟ ଦେଇଥିବାରୁ ଧନ୍ୟବାଦ ଦେଇଥିଛନ୍ତି ସେହିପରି ବିଜେପି ବିଧାୟକ ପ୍ରାର୍ଥି ପ୍ରଧାନମନ୍ତ୍ରି ନରେନ୍ଦ୍ର ମୋଦିଙ୍କ ଜନକଲ୍ୟାଣ କାରୀ ଯୋଜନାକୁ ନେଇ ଆଗାମି ଦିନରେ ଭୋଟ ଭିକ୍ଷା କରିବା ସହିତ ରାଜ୍ୟରେ ସତ୍ତା ପରିବର୍ତ୍ତନ ନେଇ ଲୋକଙ୍କ ସମର୍ଥନ ଲୋଡ଼ିବୁ ବୋଲି କହିଛନ୍ତି ।