ବାଜା ବାଜୁଛି, ରୋସଣି ବାଜୁଛି । ପଡୁଛି ହାତଗଣ୍ଠି । ବର କନ୍ୟା ଦୁହେଁ ଦୁହିଁଙ୍କୁ ସାତଜନ୍ମ ପାଇଁ ସାଥି କରିଛନ୍ତି । ଦୁହିଁଙ୍କ ମୁହଁରେ ଖୁସିର ଲହରୀ । ନାହିଁ ଯାନିଯୌତୁକର ପ୍ରଥା । ରୀତିନୀତି ଅନୁସାରେ ପଣ୍ଡିତ ପଢୁଛନ୍ତି ବିବାହର ମନ୍ତ୍ର । ସମ୍ପନ୍ନ ହେଉଛି ବିବାହ । ବରଗଡ଼ ଜିଲ୍ଲା ବନ୍ଧପାଲି ଗ୍ରାମର ଚଞ୍ଚଳା ମାଝୀ ଏବଂ ସମ୍ବଲପୁର ଜିଲ୍ଲା ଗମ୍ଭାରିପଙ୍କ ଗ୍ରାମର ଶାନ୍ତୁନୁ ମଟାରୀ ଦୁହେଁ ଜନ୍ମରୁ ଦିବ୍ୟାଙ୍ଗ । ଉଭୟ ଭଲ ଭାବେ କଥାବାର୍ତ୍ତା କିମ୍ବା ଠିକ୍ ଭାବେ ଚଲାବୁଲା କରି ପାରନ୍ତି ନାହିଁ । କିନ୍ତୁ ଉଭୟ ଦୁଇ ଜଣ ପରସ୍ପରକୁ ଜୀବନସାଥୀ ଭାବେ ଗ୍ରହଣକରି ଅନେକଙ୍କ ପାଇଁ ସାଜିଛନ୍ତି ଉଦାହରଣ । ସାତ ଜନ୍ମ ପାଇଁ ଦୁହେଁ ଦୁହିଁଙ୍କର ହାତ ଧରିଛନ୍ତି । ଏହି ବିବାହ ପାୱାର ଅଫ୍ ଦିବ୍ୟାଙ୍ଗ ଅନୁଷ୍ଠାନ ପକ୍ଷରୁ ବରଗଡ଼ ଟାଉନ ଥାନା ପରିସରରେ ରହିଥିବା ଶିବ ମନ୍ଦରରେ ସମ୍ପନ୍ନ ହୋଇଛି ।
ପାୱାର ଅଫ୍ ଦିବ୍ୟାଙ୍ଗ ଅନୁଷ୍ଠାନର କର୍ମକର୍ତ୍ତା ସୁବାସ ଅଗ୍ରୱାଲ କରିଛନ୍ତି କନ୍ୟାଦାନ । ଭଗବାନଙ୍କ କୃପା ଥିଲେ ଏଭଳି କନ୍ୟାଦାନ କରିବା ପାଇଁ ସୌଭାଗ୍ୟ ମିଳେ ବୋଲି କହିଛନ୍ତି ସୁବାସ ଅଗ୍ରୱାଲ । ଆଗରୁ ମଧ୍ୟ ଏହିଭଳି ଅନେକ ବିବାହ କରିଛନ୍ତି ପାୱାର ଅଫ୍ ଦିବ୍ୟାଙ୍ଗ ଅନୁଷ୍ଠାନ । ଏହି ଧାରା ଆଗକୁ ମଧ୍ୟ ବଜାୟ ରହିବ ବୋଲି କହିଛନ୍ତି ଅନୁଷ୍ଠାନର ପ୍ରତିଷ୍ଠାତା ଶ୍ୟାମସୁନ୍ଦର ଅଗ୍ରୱାଲ ।
