ସରିଛିି ନବରଙ୍ଗପୁର ଜିଲ୍ଲାରେ ନାମାଙ୍କନ ପତ୍ର ଦାଖଲ

ନବରଙ୍ଗପୁର,୨୩/୪/୨୪: ସାଧାରଣ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲର ଚତୁର୍ଥ ଦିନ । ବିଜେଡିର ନବରଙ୍ଗପୁର ଲୋକସଭା ଆସନ ପ୍ରାର୍ଥୀ ପ୍ରଦୀପ ମାଝୀ ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ନବରଙ୍ଗପୁର ଲୋକସଭା ନିର୍ବଚନ ମଣ୍ଡଳୀ ର ରିଟର୍ନିଙ୍ଗ ଅଫିସର ତଥା ଜିଲ୍ଲପାଳ ଡଃ କାମଳ ଲୋଚନ ମିଶ୍ର ଙ୍କ ନିକଟରେ ସେ ସୋମବାର ପ୍ରାର୍ଥୀପତ୍ର ଦାଖଲ କରିଛନ୍ତି ।

ସେହିପରି ଉମରକୋଟ ବିଧାନସଭା ଆସଣ ପାଇଁ ବିଜେପି ର ନିତ୍ୟନନ୍ଦ ଗଣ୍ଡ ନାମାଙ୍କନ ପତ୍ର ଦାଖଲ କରିଛନ୍ତି । ବିଧାୟକ ଗଣ୍ଡ ଉମରକୋଟ ବିଧାନସଭା ଆସନ ର ରିଟର୍ନିଙ୍ଗ ଅଫିସର ତଥା ଅତିରିକ୍ତ ଜିଲ୍ଲପାଳ ନବୀନ ନାୟକ ଙ୍କ ନିକଟରେ ପ୍ରାର୍ଥୀ ପତ୍ର ଦାଖଲ କରିଥିଲେ । ଏଥିସହ ଡାବୁ ଗାଁ ବିଧାନସଭା ନିର୍ବଚନ ମଣ୍ଡଳୀ ପାଇଁ ବିଜେପି ର ସୋମନାଥ ପୂଜାରୀ ନାମାଙ୍କନ ପତ୍ର ଦାଖଲ କରିଛନ୍ତି । ଡାବୁ ଗାଁ ବିଧାନସଭା ଆସନ ପାଇଁ ରିଟର୍ନିଙ୍ଗ ଅଫିସର ତଥା ଜିଲ୍ଲା ପରିଷଦର ମୁଖ୍ୟ କାର୍ୟ୍ୟ ନିର୍ବାହୀ ଅଧିକାରୀଙ୍କ ନିକଟରେ ନିଜ ପ୍ରାର୍ଥୀପତ୍ର ଦାଖଲ କରିଥିଲେ ।

ଝରୀଗାଁ ବିଧାନସଭା ଆସନ ପାଇଁ ବିଜେପିର ନରସିଂହ ଭତରା ସୋମବାର ନାମାଙ୍କନ ପତ୍ର ଦାଖଲ କରିଛନ୍ତି । ରିଟର୍ନିଙ୍ଗ ଅଫିସର ତଥା ଅତିରିକ୍ତ ଜିଲ୍ଲପାଳ ମହେଶ୍ୱର ନାୟକ ଙ୍କ ନିକଟରେ ପ୍ରାର୍ଥୀପତ୍ର ଦାଖଲ କରାଯାଇଥିଲା । ପୁଣି ଝରୀଗାଁ ବିଧାନସଭାଆସନ ପ୍ରାର୍ଥୀନୀ ହାରା ବତି ଗଣ୍ଡ ମଧ୍ୟ ସୋମବାର ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ସିପିଆଇ ଦଳରୁ ତ୍ରିନାଥ ମୁଣ୍ଡା ଗୁଡ଼ିଆ ପ୍ରାର୍ଥୀ ରୂପେ ନବରଙ୍ଗପୁର ଲୋକସଭା ପାଇଁ ନବରଙ୍ଗପୁର ଆସି ରିଟର୍ନିଙ୍ଗ ଅଫିସରଙ୍କ ନିକଟରେ ପ୍ରାର୍ଥୀପତ୍ର ଦାଖଲ କରିଥିଲେ ।