<h3>ବାଲେଶ୍ୱର,୨୬/୦୪/୨୪: ରାସ୍ତା କଡରେ ଶିଶୁ କନ୍ୟାକୁ ଧରି ଛିଡା ହୋଇଥିବା ମାକୁ ଧକ୍କା ଦେଲା ଟ୍ରକ୍ । ଘଟଣାସ୍ଥଳରେ ଶିଶୁକନ୍ୟାର ମୃତ୍ୟୁ ହୋଇଥିବା ବେଳେ ମା ଗୁରୁତର ହୋଇଛନ୍ତି । ଏଭଳି ଅଭାବନୀୟ ଘଟଣା ବାଲେଶ୍ୱର ଜିଲ୍ଲା ସିଂଲା ଥାନା ଅନ୍ତର୍ଗତ ଶାସନ ଗ୍ରାମରେ ଘଟିଛି । ସୂଚନା ଅନୁଯାୟୀ, ପଣସା ଗ୍ରାମର ରଶ୍ମିତା ମାହାଲ ଗୁରୁବାର ଦିନ ଶାସନ ଗ୍ରାମକୁ ନିଜ ସମ୍ପର୍କୀୟଙ୍କ ଘରକୁ ବୁଲିବାକୁ ଆସୁଥିବାବେଳେ ଅପରାହ୍ନ ସମୟରେ ନିଜର ଦେଢ ବର୍ଷର ଶିଶୁକନ୍ୟାକୁ ଧରି କି ଛିଡା ହୋଇଥିଲେ । ଏତିକି ବେଳେ ହଠାତ୍ ଏକ ଟ୍ରକ ଦ୍ରୁତଗତିରେ ଆସି ଦୁଇ ମା ଝିଅଙ୍କୁ ଧକ୍କା ଦେଇଥିଲା । ଘଟଣାସ୍ଥଳରେ ଝିଅଟିର ମୁତ୍ୟୁ ହୋଇଥିବାବେଳେ ମା ଗୁରୁତର ହୋଇଥିଲେ । ତେବେ ସ୍ଥାନୀୟ ଲୋକେ ଗୁରୁତର ରଶ୍ମିତାଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ଏ ନେଇ ଘଟଣାସ୍ଥଳରେ ଲୋକଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା । ଉତତ୍ତ୍ୟକ୍ତ ଲୋକେ ଟ୍ରକ ସମେତ ଡ୍ରାଇଭରଙ୍କୁ ଅଟକ ରଖିବା ସହ ସିଂଲା ଥାନାକୁ ସୂଚନା ଦେଇଥିଲେ । ଖବର ପାଇ ସିଂଲା ଥାନା ପୋଲିସ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ଘଟଣାର ଅଧିକ ତଦନ୍ତ ଜାରି ରଖିଥିଲେ ।</h3>
