ପୁରୀ : ଶ୍ରୀମନ୍ଦିରର ପଶ୍ଚିମ ଦ୍ଵାର ନିକଟରେ ଥିବା ଉଗ୍ର ନୃସିଂହ ମନ୍ଦିରରୁ ପଥର ଖସି ସେବାୟତ ଆହତ। ଶ୍ରୀମନ୍ଦିର ପଶ୍ଚିମ ଦ୍ଵାର ନିକଟରେ ଥିବା ନୃସିଂହ ମନ୍ଦିରରୁ ପଥର ଖସିଛି। ଉଗ୍ର ନୃସିଂହଙ୍କ କୋଳରେ ଥିବା ହିରଣ୍ୟକଶ୍ୟପଙ୍କ ମୂର୍ତ୍ତି ଖସିଥିବା ସୂଚନା ମିଳିଛି। ଫଳରେ ମନ୍ଦିରରେ ଉପସ୍ଥିତ ଥିବା ସେବାୟତ କୁନୁ ମହାପାତ୍ରଙ୍କ ଗୋଡରେ ଆଘାତ ଲାଗିଥିବା ସୂଚନା ମିଳିଛି। ସେବାୟତ କୁନୁ ମହାପାତ୍ର ଆଜି ସକାଳେ ମନ୍ଦିରରେ ଉଗ୍ର ନୃସିଂହଙ୍କୁ ବସ୍ତ୍ର ପରିଧାନ କରାଉଥିଲେ। ଏହି ସମୟରେ ହିରଣ୍ୟକଶ୍ୟପଙ୍କ ମୂର୍ତ୍ତି ଖସି ସେବାୟତଙ୍କ ଡାଉହାଣ ଗୋଡରେ ମାଡ ହୋଇଥିଲା। ସେବାୟତଙ୍କୁ ପ୍ରଥମେ ପୁରୀ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଡାକ୍ତର କଟକ ସ୍ଥାନାନ୍ତର କରିବା ପାଇଁ ପରାମର୍ଶ ଦେଇଛନ୍ତି।
