କୋରାପୁଟ ଜିଲ୍ଲା ନାରାୟଣପାଟଣା ବ୍ଳକର ଝଞ୍ଜାବତୀ ନଦୀରେ ଭାସିଯାଇଥିବା ଗର୍ଭବତୀ ମା’ଙ୍କ ମୃତଦେହ ଉଦ୍ଧାର ହୋଇଛି। ହେଲେ ଏଯାଏ ମିଳିନି ୫ ବର୍ଷ ଝିଅର ପତ୍ତା। ଅଗ୍ନିଶମ ବିଭାଗ ଓ ଓଡ୍ରାଫ ଟିମର ୭ ଜଣିଆ ଟିମ୍ ଖୋଜାଖୋଜି କରିବା ପରେ ମଧ୍ୟ କୌଣସି ପତ୍ତା ମିଳି ପାରିନାହିଁ। ସୂଚନାଯୋଗ୍ୟ, ଶୌଚ କରିବାକୁ ଯାଇ ୫ ବର୍ଷ ବୟସର ଶିଶୁକନ୍ୟାଙ୍କ ସମେତ ଗର୍ଭବତୀ ଗତକାଲି ନିଖୋଜ ହୋଇଥିଲେ। କେରାପୁଟ ଜିଲ୍ଲା ନାରାୟଣପାଟଣା ଥାନା ଅଧିନ ପାଲାପୁଟ ଗାଁ ନିକଟ ଝଞ୍ଜାବତୀ ନଦୀରେ ଗତକାଲି ଅପରାହ୍ଣରେ ଏହି ଅଭାବନୀୟ ଘଟଣା ଘଟିଥିଲା।
ସୂଚନା ଅନୁସାରେ ନାରାୟଣପାଟଣା ଥାନା ଅନ୍ତର୍ଗତ ତଳଗୁମାଣ୍ଡି ପଞ୍ଚାୟତର ଡକ୍ରିଘାଟି ଗାଁର ରାମ ତାଡିଙ୍ଗିଙ୍କ ସ୍ତ୍ରୀ ମୋତି ତାଡିଙ୍ଗି ପ୍ରସବ ପାଇଁ ମା’ ଗୃହକୁ ଗତକାଲି ଆସିଥିଲେ। ଆଉ ୧୫ ଦିନ ପରେ ମୋତି ତାଡିଙ୍ଗି ମା’ ହୋଇଥାନ୍ତେ। ଗତକାଲି ଅପରାହ୍ଣ ପ୍ରାୟ ସାଢ଼େ ୨ଟାରେ ପାଲପୁଟ ଗାଁ ନିକଟ ଝଞ୍ଜାବତୀ ନଦୀକୁ ମା-ଝିଅ ଶୌଚ ପାଇଁ ସ୍ବାମୀଙ୍କୁ କହି ଯାଇଥିଲେ। ଫେରିବାରେ ବିଳମ୍ବ ହେବାରୁ ଉଭୟ ସ୍ବାମୀ ଓ ମାଁ ଗୃହ କର୍ମଚାରୀ ଖୋଜାଖୋଜି କରି ନଦୀ କୂଳକୁ ଯାଇଥିଲେ। ସେଠାରେ ଉଭୟ ମା’ ଓ ଶିଶୁକନ୍ୟାର ଶାଢ଼ି, ପୋଷାକ ଓ ଚପଲ ଥିବାରୁ ନଦୀରେ ଗାଧେଇବାକୁ ଆସି ଭାସିଯାଇଥିବା ସନ୍ଦେହ କରି ମା’ ଗୃହ କର୍ତ୍ତୃପକ୍ଷ ଥାନାରେ ନିଖୋଜ ଥିବା ନେଇ ଲିଖିତ ଅଭିଯୋଗ କରିଥିଲେ। ଏ ନେଇ ଅଗ୍ନିଶମ ବିଭାଗ କୁ ଖବର ଦିଆ ଯାଇଥିଲା କ୍ଷ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଖୋଜା ଖୋଜି କରିଥିଲେ କିନ୍ତୁ ମା ଝିଅ ମିଳି ନ ଥିଲେ।
ରାତି ହୋଇ ଯାଇଥିବାରୁ ଅଗ୍ନିଶମ ବିଭାଗ ଖୋଜା ଖୋଜି କରି ନିରାଶ ହୋଇଥିଲେ କ୍ଷ ଆଜି ସକାଳୁ କୋରାପୁଟ ଉପ ଜ଼ିଲ୍ଲାପାଳ ବେଣୁଧର ଶବର ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ କରୁଛନ୍ତି କ୍ଷ ଓଡ୍ରାଫ ର ଗୋଟେ ଟିମ ଖୋଜା ଖୋଜି ଆରମ୍ଭ କରିଛି କ୍ଷ ଏବେ ସୁଦ୍ଧା ମା ଙ୍କର ମୃତଦେହ ଉଦ୍ଧାର ହୋଇଥିବା ବେଳେ ଝିଅ ଙ୍କର କୌଣସି ପତ୍ତା ମିଳି ପାରି ନାହିଁ।
