୯୦ଦଶକରୁ ଓଲିଉଡରେ ରାଜ କରି ଆସୁଛନ୍ତି ଅଭିନେତା ସିଦ୍ଧାନ୍ତ ମହାପାତ୍ର ଏବଂ ଅନୁ ଚୌଧୁରୀ । ଉଭୟଙ୍କ ଅଭିନୟ ଓଡିଆ ସିନେପ୍ରେମୀଙ୍କ ମନରେ ଘର କରିଦେଇଥିଲା । ତେବେ ଉଭୟଙ୍କ କେମେଷ୍ଟ୍ରି କୁ ସେତେବେଳେ ଦର୍ଶକ ଖୁବ ପସନ୍ଦ କରିଥିଲେ । ତା ଭିତରେ ବିତିଗଲାଣି କେତେ ବର୍ଷ କିନ୍ତୁ ଆଜି ବି ଲୋକଙ୍କମନରେ ସେମାନଙ୍କୁ ନେଇ ଅନେକ ଭଲ ପାଇବା ରହିଛି । ଉଭୟ ପରଦାରେ ସକ୍ରିୟ ଥିବା ବେଳେ ସେମାନେ ଏକା ସହ ଚଳଚ୍ଚିତ୍ରରେ ନଜର ଆସୁ ନଥିଲେ । ଶେଷଥର ପାଇଁ ଉଭୟଙ୍କୁ ଫିଲ୍ମ ଛବିରାଣୀରେ ଦେଖିବାକୁ ପାଇଥିଲେ ଦର୍ଶକ । ଏବେ ପୁଣିଥରେ ଓଲିଉଡ ପରଦାରେ ‘କଟକ ଶେଷରୁ ଆରମ୍ଭ’ ଫିଲ୍ମରେ ଏକାଠି ନଜର ଆସିବେ ସିଦ୍ଧାନ୍ତ -ଅନୁ ।
ପୁଣି ଥରେ ଦର୍ଶକଙ୍କୁ ସେଇ ପୁରୁଣା ଦିନ କଥା ମନେପକେଇଦେବାକୁ ଆସୁଛନ୍ତି ଓଡିଆ ସିନେମାର ଲୋକପ୍ରିୟ ଯୋଡି ଅଭିନେତା ସିଦ୍ଧାନ୍ତ ଏବଂ ସୁନ୍ଦରି ଅଭିନେତ୍ରୀ ଅନୁ । ଆଜିର ମର୍ଡନ ଲଭକୁ ପଛରେ ପକାଇ ପୁଣି ସିଦ୍ଧାନ୍ତ-ଅନୁ ବାଲିଘର ତୋଳିଛନ୍ତି ଆଉ ଦର୍ଶକଙ୍କୁ ୨୩ ବର୍ଷ ତଳର ସୁନ୍ଦର ସ୍ମୃତିକୁ ଫେରାଇ ଆଣିଛନ୍ତି ଏହି ଗୋଲଡେନ ଯୋଡି । ଉଭୟଙ୍କ ପୁରୁଣା ଗୀତ ‘ତମେ ଜଦି ଗଢିଦିଅ ମୋ ପାଇଁ ବାଲିଘର’ର ରିମେକ ଯାହା ଦର୍ଶକଙ୍କୁ ବେଶ ପସନ୍ଦ ଆସିଛି । ସଙ୍ଗୀତରେ କଣ୍ଠଦାନ କରିଛନ୍ତି ଅସୀମା ପଣ୍ଡା ଓ ହୁ୍ୟମାନ୍ ସାଗର । “କଟକ ଶେଷରୁ ଆରମ୍ଭ’ ଚଳଚ୍ଚିତ୍ରଟି ଦଶହରା ଅବସରରେ ୨୦ ଅକ୍ଟୋବର ୨୦୨୩ରେ ପରଦାରେ ରିଲିଜ ହେବାକୁ ଯାଉଛି । ସୁଧାଂଶୁ ମୋହନ ସାହୁଙ୍କ ନିର୍ଦେଶିତ ଏବଂ ଅସଦ ନିଜାମଙ୍କ ସଙ୍ଗୀତ ନିଦେ୍ର୍ଦଶନାରେ ପ୍ରସ୍ତୁତ ଏହି ଚଳଚ୍ଚିତ୍ରକୁ କେତେ ସଫଳତା ମିଳୁଛି ତାହା ଦେଖିବାକୁ ବାକି ରହିଲା ।
