ଶିମିଳିପାରୁ ଫେରାର ଶିକାରୀ ଗିରଫ

ଶିମିଳିପାଳ ଅଭୟାରଣ୍ୟରୁ କଲରା ପତରିଆ ବାଘ ଶିକାର ଘଟଣାରେ ଫେରାର ଥିବା ମୁଖ୍ୟ ଅଭିଯୁକ୍ତକୁ ଗିରଫ କରିବାରେ ବନବିଭାଗ ସଫଳ ହୋଇଛି। କଲରା ପତରିଆ ବାଘକୁ ମାରି ତାର ଛାଲକୁ ଲକ୍ଷ ଲକ୍ଷ ଟଙ୍କାରେ ବ୍ୟବସାୟ କରିବା ପାଇଁ ଡିଲ ଚାଲିଥିବା ବେଳେ ସ୍ୱତନ୍ତ୍ର ଟିମ ସହାୟତାରେ ଉକ୍ତ ଶିକାରୀକୁ ଗିରଫ କରାଯାଇଛି। ମୁଖ୍ୟ ଅଭିଯୁକ୍ତ ଜଣକ ହେଲେ ବହଳଦା ଅଞ୍ଚଳର ନେତ୍ରା ସିଂ। ଗତ ୨୩/୦୭/୨୩ରେ ଶିମିଳିପାଳ ଅଭୟାରଣ୍ୟରୁ ୪ଟି କଲରାପତରିଆ ବାଘକୁ ମାରି ଶିକାର କରିବା ପରେ ଛାଲକୁ ବିକ୍ରି କରିବା ପାଇଁ ଡିଲ ଚାଲିଥିବା ବେଳେ ୫ଜଣ ଅଭିଯୁକ୍ତକୁ ଗିରଫ କରିଥିବା ବେଳେ ମୁଖ୍ୟ ତଥା ମାଷ୍ଟର ମାଇଣ୍ଡ ନେତ୍ରା ସିଂ ଘଟଣାସ୍ଥଳରୁ ଖସିଯାଇଥିଲା। ବିଶ୍ୱସ୍ଥସୂତ୍ରରୁ ଖବରପାଇ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପର ଦକ୍ଷିଣ ଡିଭିଜନ ଓ ବାରିପଦା ବନଖଣ୍ଡ ପକ୍ଷରୁ ମିଳିତ ଚଢ଼ାଉ କରି ଧରିବାରେ ସଫଳ ହୋଇଛନ୍ତି। ଦୀର୍ଘ ଏକ ବର୍ଷ ପରେ ମାଷ୍ଟର ମାଇଣ୍ଡ ନେତ୍ରା ସିଂ ଖୁଣ୍ଟା ଥାନା ବହଳଦା ଗାଁରୁ ଗିରଫ କରିବାରେ ବନବିଭାଗ କର୍ମଚାରୀଙ୍କ ସ୍ୱତନ୍ତ୍ର ଟିମ ସଫଳ ହୋଇଛି। ନେତ୍ରାକୁ ପଚରା ଉଚରା କରିବା ବେଳେ ସେ ଉକ୍ତ ଘଟଣାରେ ସମ୍ପୃକ୍ତ ଥିବା ନେଇ ସ୍ୱୀକାର କରିଥିବାର କର୍ତ୍ତୃପକ୍ଷ ସୂଚନା ଦେଇଛନ୍ତି। ନେତ୍ରା ଶିକାର କରି ଫେରାର ଥିବା ବେଳେ ବାରମ୍ବାର ସ୍ଥାନ ପରିବର୍ତ୍ତନ କରୁଥିବା ବେଳେ ତାହାକୁ ଗିରଫ କରାଯାଇଛି। ଉକ୍ତ ଘଟଣାରେ ଅନ୍ୟଜଣେ ଫେରାର ପଳାତକ ବୁଦୁରାମ ସିଂ କୁ ଧରିବା ପାଇଁ ବନ ବିଭାଗ ପକ୍ଷରୁ ପ୍ରଚେଷ୍ଟା ଜାରି ରହିଛି।