ସୁନ୍ଦରଗଡ : ସୁନ୍ଦରଗଡ଼ ଜିଲ୍ଲା ଟାଉନ ଥାନା ଅନ୍ତର୍ଗତ ଭଜପୁର ରାଜ୍ୟ ରାଜପଥ ୧୦ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ସ୍କୁଲରୁ ଶିକ୍ଷୟତ୍ରୀ ଜଣକ ଡ୍ୟୁଟି ସାରି ସ୍କୁଟି ଫେରୁଥିବା ବେଳେ ପଛ ପଟୁ ଧକ୍କା ଦେଲା ଟ୍ରକ। ଟ୍ରକ ଚକ ତଳେ ଚାପି ହୋଇ ଘଟଣାସ୍ଥଳରେ ଆଖିବୁଜିଲେ ଶିକ୍ଷୟିତ୍ରୀ । ଘଟଣାସ୍ଥଳରୁ ଟ୍ରକ ଛାଡ଼ି ଚମ୍ପଟ୍ ମାରିଲା ଡ୍ରାଇଭର। ପୋଲିସ ଘଟଣାସ୍ଥଳରେ ପହଞ୍ଚି ଟ୍ରକ୍ ଜବତ କରିବା ସହ ମୃତଦେହକୁ ନିକଟସ୍ଥ ଡାକ୍ତରଖାନକୁ ପଠାଇଛି। ମୃତ ଶିକ୍ଷୟତ୍ରୀ ଜଣକ ଦମୟନ୍ତି ପଟେଲ ବୋଲି ଜଣାପଡ଼ିଛି। ସୂଚନା ମୁତାବିକ, ସୁନ୍ଦରଗଡ଼ ଜିଲ୍ଲା ବଡ଼ମାଲ ସ୍କୁଲର ଶିକ୍ଷୟିତ୍ରୀ ଦମୟନ୍ତି ପଟେଲ। କର୍ମକ୍ଷେତ୍ରରୁ ଘରକୁ ଫେରୁଥିବା ବେଳେ ପଛ ପଟୁ ଧକ୍କା ଦେଲା ଟ୍ରକ` ଘରକୁ ଫେରୁବା ବଦଳରେ ଚାଲିଗଲା ଜୀବନ। ମର୍ମଦୁନ୍ତ ଘଟଣାକୁ ନେଇ ଲୋକଙ୍କ ମଧ୍ୟରେ ଉତ୍ତେଜନା ଦେଖା ଯାଇଛି। ଉତ୍ୟକ୍ତ ଲୋକେ ରାସ୍ତା ଅବରୋଧ କରିଛନ୍ତି। ଟ୍ରକ ଚାଳକ ଫେରାର ହୋଇ ଯାଇଥିବା ବେଳେ ପୋଲିସ ଟ୍ରକକୁ ଅଟକ ରଖିଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଉତ୍ୟକ୍ତ ଲୋକଙ୍କୁ ବୁଝାସୁଝା କରୁଛନ୍ତି।
