ଲକ୍ଷ୍ମୀ ମେଢ ପୂର୍ଣ୍ଣାହୁତି, ଶିତ ସତ୍ବେ ଅପେରା ରେ ଦର୍ଶକ ଭିଡ

ସୋରଡ଼ା ଆଡପମଣ୍ଡପ ଠାରେ ଏକ ମାସ ଧରି ଚାଲିଥିବା ଲଷ୍ମୀ ମେଢ଼ ରେ ଅନ୍ତିମ ଦିନ ରବିବାର ,ସୋମବାର ଦୁଇ ଦିନ ଧରି ଅଷ୍ଟ ପ୍ରହରୀ ନାମ ଯଜ୍ଞ ଅନୁଷ୍ଠିତ ହୋଇ ଥିଲା । ସୋମବାର ସନ୍ଧ୍ୟାରେ ବିଧାୟକ ନୀଳମଣି ବିଷୋୟୀ ଯୋଗଦେଇ ଜଗନ୍ନାଥ ମନ୍ଦିର ରୁ ବିଶାଳ ଶୋଭାଯାତ୍ରା ରେ ମେଢ ମଣ୍ଡପ କୁ ଭୋଗ ନେଇ ପୂଜା ଓ ପୂର୍ଣ୍ଣାହୁତି ରେ ଉପସ୍ଥିତ ଥିଲେ । ରାତିରେ ଆମେ କଳାକାର ଦ୍ୱାରା ଅପେରା ହା କୃଷ୍ଣ ବୋଲି ଯାଉ ଯିବ ମଞ୍ଚସ୍ଥ ହୋଇଥିଲା । ବିଧାୟକ ଶ୍ରୀ ବିଷୋୟୀ ସମେତ ନଗରପାଳ ଶିବଶଙ୍କର ପଣ୍ଡା ,କଲେଜ ଅଧ୍ୟକ୍ଷ ଅନିଲ କୁମାର ଦାସ ସମେତ ଆୟୋଜକ ମାନେ ଅପେରା ମଞ୍ଚ ରେ ଉଦ୍ଘାଟନ ସଭା ରେ ଯୋଗଦେଇଥିଲେ । ପ୍ରବଳ ଶୀତ ସତ୍ବେ ଦର୍ଶକ ଙ୍କ ଭିଡ ରହିଥିଲା । କଳାକାର ସଞ୍ଜୟ ପଣ୍ଡା ,ଶିବ ପ୍ରସାଦ ଦାସ ,ବାଇଧର ଗୋଛାୟତ ,ପିଙ୍କୁ ଅଧିକାରୀ ,ଡିଲୁ ପ୍ରଧାନ ,ସଶାଙ୍କ ଦାସ ଙ୍କ ଅଭିନୟ ସମସ୍ତଙ୍କ ବିମୋହିତ କରିଥିଲା । ପ୍ରତି ଅଞ୍ଚଳରେ ଶାନ୍ତି ସହାବସ୍ଥାନ ,ଆନନ୍ଦଭାବନା ,ସମାଜ ର ବିକାଶ ପାଇଁ ଆଧ୍ୟାତ୍ମିକ ଭାବ ପାଇଁ ଏହି ପ୍ରକାର ପୂଜା କରାଯିବା ନିହାତି ଆବଶ୍ୟକ ବୋଲି ବିଧାୟକ କହିଥିଲେ । ମଙ୍ଗଳବାର ମେଢ କୁ ବାଦ୍ୟ ବାଜଣା ସହ ଶୋଭାଯାତ୍ରା ରେ ନଗର ପରିକ୍ରମା କରାଯାଇ ବିସର୍ଜନ କରାଯାଇଛି । ଶ୍ରୀକାନ୍ତ ଦାସ ,ଅମିୟ ଦାସ ,ପ୍ରତାପ ସାହୁ ,ସୁବାସ ବେହେରା ,ରଞ୍ଜୀ ବେହେରା ,ଜିତୁ ସାହୁ ,ରାକେଶ ପାତ୍ର ,ପ୍ରଶାନ୍ତ ପାତ୍ର ,ସନ୍ତୋଷ ପଣ୍ଡା ,ପ୍ରମୋଦ ଅଧିକାରୀ ,କାଶୀନାଥ ସାହୁ ,ସଞ୍ଜୟ ମହାରଣା ,ବୁବୁନା ସାହୁ ପ୍ରମୁଖ ପରିଚାଳନା କରିଥିଲେ ।