ରାୟଗଡାରେ ଚାଲିଛି ମତଦାନ

ରାୟଗଡା: ଦେଶର ଚତୁର୍ଥ ପର୍ଯ୍ୟାୟ ଏବଂ ରାଜ୍ୟା ପ୍ରଥମ ପର୍ଯ୍ୟାୟ ମତଦାନ ଚାଲିଥିବା ବେଳେ ପ୍ରତି ବୁଥରେ ଲାଗିଛି ଭୋଟରମାନଙ୍କ ଭିଡ । ରାଜ୍ୟରେ ଗରମର ପ୍ରଭାବ ଜାରି ରହିଥିବା ବେଳେ ଖରାକୁ ଖାତିର ନକରି ପ୍ରତି ବୁଥରେ ଭୋଟ ଦେବାପାଇଁ ଲମ୍ବା ଲାଇନ ଲଗାଇଛନ୍ତି ଭୋଟର । ଏହାରି ମଧ୍ୟରେ ରାୟଗଡାରେ ମଧ୍ୟ ଚାଲିଛି ମତଦାନ । ଏଠାରେ ମୋଟ ୭ ଲକ୍ଷ ୧୩ ହଜାରରୁ ଉଦ୍ଧ୍ୱର୍ ଭୋଟର ରହିଥିବା ବେଳେ ମୋଟ ୮୮୪ଟି ବୁଥ କରାଯାଇଛି । ଏହା ମଧ୍ୟରୁ ୧୦୮ଟି ମଡେଲ ବୁଥ, ୮୮ ସଖୀ ବୁଥ, ଗୋଟିଏ ପିଭିଟିଜି ଏବଂ ଗୋଟିଏ ଇକୋ ଫ୍ରେଣ୍ଡଳି ବୁଥ ରହିଛି । ସକାଳ ୭ଟାରୁ ମତଦାନ ଆରମ୍ଭ ହୋଇଥିବା ବେଳେ ଭୋଟରଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଅନ୍ୟପଟେ ପ୍ରତି ବୁଥରେ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ବ୍ୟାପକ ପୋଲିସ ଫୋର୍ସ ସହ ଫ୍ଲାଇଙ୍ଗ ସ୍କ୍ୱାର୍ଡ ଓ ସର୍ଭେଲାନ୍ସ ଟିମ ନିୟୋଜିତ ହୋଇଛନ୍ତି ।