ରାସ୍ତା କଡ଼ରୁ ଜଣେ ଯୁବକଙ୍କ ମୃତଦେହ ଉଦ୍ଧାର

ସୁନ୍ଦରଗଡ଼ ରାଜଗାଙ୍ଗପୁର ଥାନା ଘୋଘର ମନ୍ଦିର ରାସ୍ତା କଡ଼ରେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତକ ଜଣକ ଘୋଘର ଗ୍ରାମ ଦେହୁରୀ ପଡାର ୨୬ ବର୍ଷୀୟ ରାହୁଲ ନାଏକ ବୋଲି ଜଣାପଡିଛି । ସୂଚନାନୁସାରେ, ଶନିବାର ୧୦ ଟାରେ ରାହୁଲ ଘରେ ଥିବା ସମୟରେ ମୋବାଇଲରେ କଲ ଆସିବାରୁ ଘରୁ ବାହାରିଥିଲେ । କିନ୍ତୁ ରାତିରେ ଆଉ ଘରକୁ ଫ୍ରରିନଥିଲେ। ରବିବାର ସକାଳୁ ତାଙ୍କର ମୃତଶରୀର ରାସ୍ତା କଡ ନିକଟରେ ପଡିଥିଲେ । କାଳେ ସେ ବଞ୍ଚିଥିବେ ଭାବି ଗାଁ ଲୋକେ ଆମ୍ବୁଲାନ୍ସ ଯୋଗେ ରାଜଗାଙ୍ଗପୁର ଡାକ୍ତରଖାନା ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।ମୃତ ଯୁବକଙ୍କ ଶରୀରରେ ଅନେକ କ୍ଷତ ଚିହ୍ନ ଥିବାରୁ ପରିବାର ଲୋକେ ରାଜଗାଙ୍ଗପୁର ଥାନା କାଂସ ବାହାଲ ଫାଣ୍ଡିରେ ହତ୍ୟା ଅଭିଯୋଗ ଆଣିଛନ୍ତି । ପରିବାର ଲୋକଙ୍କ ଅଭିଯୋଗ ପରେ ପୋଲିସର ତଦନ୍ତ ଆରମ୍ଭ ହୋଇଛି ।