ଏବେ ଆଉ ଝିଅ ବାହାଘର ପାଇଁ ଚିନ୍ତା କରିବେନି ଗରିବ ବାପା । ବାପା ମୁଣ୍ଡରୁ ଏବେ ବୋଝ ଓହ୍ଲାଇବ । ଏବେ ପରିବାରରେ ଚମକିବେ ଝିଅ । ଝିଅମାନଙ୍କ ପାଇଁ ଉପହାର ଆଣିଛନ୍ତି ମୋହନ ସରକାର । ଗରିବଙ୍କୁ ସରକାରଙ୍କର ଆଶ୍ୱସନାର ପ୍ରତିଶ୍ରୁତି । ଗରିବ ବାପାକୁ ଚିନ୍ତା ମୁକ୍ତ କରିବାକୁ ସରକାର ଆଣିଛନ୍ତି ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନା । ୨୦୨୫-୨୬ ଆର୍ଥିକ ବର୍ଷ ଲାଗି ବଜେଟ୍ ଉପସ୍ଥାପନରେ ଏହା ଘୋଣଣା କରିଛନ୍ତି ମୁଖ୍ୟମନ୍ତ୍ରୀ । ଓଡିଆ ପରମ୍ପରା ଓ ରୀତିନୀତିକୁ ଅନୁସରଣ କରି ବିବାହ କାର୍ଯ୍ୟକ୍ରମ ଆଯୋଜନ କରିବା ଆଜିର ସମୟରେ ମହଙ୍ଗା ହେବାରେ ଲାଗିଛି । ଝିଅମାନଙ୍କୁ ସମ୍ମାନର ସହ ବିବାହ କରିବାକୁ ଆର୍ଥିକ ଦୃଷ୍ଠିକୋଣରୁ ଅସହାୟ ହୋଇ ପଡନ୍ତି ପରିବାର । ସେଥିପାଇଁ ପ୍ରଥମ ଥର ଝିଅମାନଙ୍କ ପାଇଁ ଏପରି ଯୋଜନା ଆଣିଛନ୍ତି ଓଡିଶା ସରକାର । ଏହି ଯୋଜନାରେ ସାମୁହିକ ବିବାହ ଆୟୋଜନ କରାଯିବ ଏବଂ ସରକାର ସମସ୍ତ ଖର୍ଚ୍ଚ ବହନ କରିବା ସହ କନ୍ୟାଙ୍କୁ ଦେବେ ଉପହାର । ଏଥିପାଇଁ ୧୨ କୋଟି ଟଙ୍କାର ବ୍ୟୟ ବରାଦ ହୋଇଛି ।
ତେବେ ରାଜ୍ୟରେ ବିଜେପି ସରକାର ଆସିବା ପରେ ମହିଳାଙ୍କ ପାଇଁ ଲାଗୁ ହାଇଥିଲା ସୁଭଦ୍ରା ଯୋଜନା । ବର୍ଷକୁ ଦୁଇଟି କିସ୍ତିିରେ ସରକାର ଦେଉଛନ୍ତି ୧୦ ହଜାର ଟଙ୍କା । ଆଉ ଏବେ ପୁଣି ମହିଳାଙ୍କ ପାଇଁ ଏପରି ଏକ ନୂଆ ଯୋଜନା ଆଣି ଗରିବ ବାପାର ମୁଣ୍ଡରୁ ବୋଝ ହାଲୁକା କରିଛନ୍ତି ମୁଖ୍ୟମନ୍ତ୍ରୀ । ଏହି ଯୋଜନା ଖୁବଶୀଘ୍ର ଲାଗୁ ହେବା ନେଇ ଶୁଣିବାକୁ ମିଳୁଛି । ସୁଭଦ୍ରା ପରି ଏହାର ମଧ୍ୟ ସ୍ୱତନ୍ତ୍ର ଗାଇଡଲାଇନ୍ ରହିବ ।
