ରାଜ୍ୟପାଳ  ଗାଇଲେ ଗୀତ

ଭୁବନେଶ୍ବର,(ଏନଏନଏସ ଓଡ଼ିଆ /୧୯.୦୨): ମହାଶିବରାତ୍ରୀ ପାଇଁ ଶନିବାର ଏକାମ୍ର କ୍ଷେତ୍ର ସମ୍ପୂର୍ଣ୍ଣ ଉତ୍ସବ ମୁଖର ହୋଇଯାଇଥିଲା । ଓମ୍ ନମଃ ଶିବାୟ….. ହର ହର ମହାଦେବ….. ଓ ଜୟ ଶିବଶମ୍ଭୁ ଉଚ୍ଚାରଣରେ କମ୍ପି ଥିଲା ଏକାମ୍ର କ୍ଷେତ୍ରର ଖଣ୍ଡ ମଣ୍ଡଳ । ଏପଟେ ଭଜନ ମଣ୍ଡପରେ ଆରମ୍ଭ ହୋଇଥିଲା ଭଜନ ସନ୍ଧ୍ୟା । କାର୍ଯ୍ୟକ୍ରମରେ ଅତିଥି ଭାବେ ଯୋଦେଇଥିବା ରାଜ୍ୟପାଳ ଗଣେଶିଲାଲ ଭକ୍ତି ସଂଗୀତ ଗାନ କରିଥିଲେ । ତାଙ୍କ ସହ ପୁଅ ମନୀଷ ଲାଲ ମଧ୍ୟ ଅନୁରୂପ ଗୀତ ଗାଇ ଉପସ୍ଥିତ ଦର୍ଶମାନଙ୍କ ଭକ୍ତିଭାବକୁ ବିଭୋରିତ କରିଥିଲେ । ଏହି କାର୍ଯ୍ୟକ୍ରମକୁ ଉଦ୍ଘାଟନ କରି ରାଜ୍ୟପାଳ କହିଥିଲେ ଯେ, ଶୋଇଥିବା ଆତ୍ମାକୁ ଜାଗ୍ରତ କରିବା ପାଇଁ ଜାଗର ପର୍ବ ହେଉଛି ଏକ ପ୍ରକୃଷ୍ଟ ଉତ୍ସବ ।