ତିନୋଟି ପୃଥକ ଦୁର୍ଘଟଣାରେ ତିନି ଗୁରୁତର , ଏମିତି ଦଃୁଖଦ ଘଟଣା ଦେଖିବାକୁ ମିଳିଛି ସୁକିନ୍ଦା ଥାନା ଅଂଚଳରେ । ତିନି ଜଣ ଗୁରୁତର ଅବସ୍ଥାରେ କଟକ ସ୍ଥାନାନ୍ତର ହୋଇଥିବା ଜଣାପଡିଛି । କଙ୍କଡ଼ାହାଡ଼ ଥାନା ଅନ୍ତର୍ଗତ ବନ୍ଦାଣିଆ ଗ୍ରାମ ସୁନାରାମ ତିରୀଆଙ୍କ ପୁଅ ନରେଶ ତିରିଆ ଶନିବାର ଯାଜପୁର ଯାଇ ଫେରୁଥିବା ସମୟରେ , ସୁକିନ୍ଦା ସ୍ଥିତ ତୃତୀୟ ବାଟାଲିୟନ ନିକଟରେ କୌଣସି ଅଜଣା ଗାଡ଼ି ଦୁର୍ଘଟଣାର ଶୀକାର ହୋଇଥିଲେ ।
ସେହିପରି ଶନିବାର ସନ୍ଧ୍ୟାରେ ସୁକିନ୍ଦା ଛକ ନିକଟରେ ଅନ୍ୟ ଏକ ଦୁର୍ଘଟଣା ଘଟି ଅନୁଗୁଳ ବଇଣ୍ଡା ଅଞ୍ଚଳର ଆକାଶ ସାହୁ ଗୁରୁତର ଆହତ ହୋଇ କଟକ ସ୍ଥାନାନ୍ତର ହୋଇଥିବା ଜଣାପଡିଛି। ସେହିପରି ଅନ୍ୟ ଏକ ଦୁର୍ଘଟଣାରେ ଷୋଳମାଣିଆ ଗ୍ରାମ ବେରେଗା ମୁଣ୍ଡାଙ୍କ ପୁଅ ଦୀନା ମୁଣ୍ଡା ଗୁରୁତର ଅବସ୍ଥାରେ କଟକ ସ୍ଥାନାନ୍ତର ହୋଇଥିବା ଜଣାପଡିଛି। ଦିନା ବାଇକରେ ଯାଉଥିବା ସମୟରେ ମାଙ୍ଗୁ ମୁଣ୍ଡାଙ୍କ ବାଇକ ସହ ଦୁର୍ଘଟଣା ଘଟିଥିଲା। ତେବେ ଦୁର୍ଘଟଣାର ଶିକାର ହୋଇଥବବା ତିନିଜଣଙ୍କୁ ପ୍ରାଥମିକ ଚିକିତ୍ସା ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଥିବା ଜଣାପଡିଛି ।
ଯାଜପୁରରୁ ଜିଜ୍ଞାସୁଙ୍କ ରିପୋର୍ଟ
