ମୟୂରଭଞ୍ଜ ଜିଲ୍ଲା ଗସ୍ତରେ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ । ବାରିପଦା ଯିବା ରାସ୍ତାରେ ଟଙ୍ଗାବିଲା ଠାରେ ତାଙ୍କୁ ଯଶିପୁର ବିଧାୟକ ତଥା ଜଙ୍ଗଲ ଓ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ଏବଂ ଦଳୀୟ କର୍ମୀମାନେ ସ୍ବାଗତ କରି ଯଶିପୁର ମେଡ଼ିକାଲକୁ ଆଣିଥିଲେ ,ସେଠାରେ ସ୍ବାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ଓ ଜଙ୍ଗଲ ପରିବେଶ ମନ୍ତ୍ରୀ ଗଣେଶ ରାମ ସିଂ ଖୁଣ୍ଟିଆ ଯଶିପୁର ମେଡ଼ିକାଲ ପରିଦର୍ଶନ କରିବା ସହ ବିଭିନ୍ନ ୱାର୍ଡ଼ ବୁଲି ରୋଗୀଙ୍କ ସହ କଥାବାର୍ତ୍ତା ହୋଇ ଫଳ ବାଣ୍ଟି ଥିଲେ । ଆଗାମୀ ଦିନରେ ଯଶିପୁର ମେଡ଼ିକାଲ ରେ ଆବଶ୍ୟକୀୟ ଡାକ୍ତର ପଦବୀ ପୂରଣ କରିବେ ବୋଲି ପ୍ରତିଶୃତି ଦେବା ସହ ରାଜ୍ୟରେ ଖୁବ୍ ଶୀଘ୍ର ୫ ହଜାର ଡାକ୍ତର ପଦବୀ ଓ ୩ ହଜାର ପାରା ମେଡ଼ିକାଲ ଷ୍ଟାଫ୍ ପଦବୀ ପୂରଣ କରାଯିବ ବୋଲି ପ୍ରତିକ୍ରିୟା ରଖିଥିଲେ ।
