ମୋବାଇଲ ବାରଣକୁ ଯୁବତୀଙ୍କ ଆତ୍ମହତ୍ୟା

ଏବେକାର ଯୁବପିଢି ପରିବାର, ସାଙ୍ଗସାଥୀ ସହ କମ୍ ସମୟ ଅତିବାହିତ କରୁଛନ୍ତି । ଆଉ ଅଧିକ ସମୟ ମୋବାଇଲରେ ସମୟ ଦେଇଥାନ୍ତି । ତେବେ ମୋବାଇଲ ପାଇଁ କେତେ ଯିଏ କିଏ ମୃତ୍ୟୁମୁଖରେ ପଡିଛନ୍ତି ତାହାର ଖବର ନାହିଁ । କେବେ କେବେ ମୋବାଇଲରେ ବନ୍ଧୁତ୍ୱକୁ ନେଇ ତ, ଆଉ କେବେ ଗେମକୁ ନେଇ । ଠିକ୍ ସେହିପରି ଅନ୍ୟ ଏକ ଦୁର୍ଘଟଣା ଆମ ସାମ୍ନାକୁ ଆସିଛି, ଛତିଶଗଡରେ ମୋବାଇଲ ଦେଖିବାକୁ ବାରଣ କରିବାରୁ ଯୁବତୀଙ୍କ ଆତ୍ମହତ୍ୟା । ସୂଚନା ଅନୁସାରେ, ମୋବାଇଲ ଦେଖାରେ ମସଗୁଲ ଝିଅ ସହି ପାରିଲାନି ବାପାମା’ଙ୍କ ଗାଳି। ଏପରିକି ନିଜ ଭୁଲ୍ ସୁଧାରିବା ପରିବର୍ତ୍ତେ ଜୀବନ ହାରିବାକୁ ନିଷ୍ପତ୍ତି ନେଲେ। ଏଥିପାଇଁ ଗାଁ ନିକଟସ୍ଥ ଜଳ ପ୍ରପାତ ଉପରେ ଚଢ଼ି ତଳକୁ ଡେଇଁ ପଡ଼ିଲେ। ମାତ୍ର ସୌଭାଗ୍ୟବଶଃତ ପାଣି ମଝିରେ ତାଙ୍କର ବୁଦ୍ଧି ଉଦୟ ହୋଇଥିଲା। ଏହାପରେ ସେ ନିଜେ ଚେଷ୍ଟା କରି କୂଳକୁ ଆସି ନିଜ ଜୀବନ ରକ୍ଷା କରି ପାରିଛନ୍ତି। ଏପରି ଏକ ଆଶ୍ଚର‌୍ୟ୍ୟଜନକ ଘଟଣା ଛତିଶଗଡ଼ରେ ଘଟିଛି।
ଛତିଶଗଡ଼ର ଚିତ୍ରକୋଟ ୱାଟରଫଲରେ ଏପରି ଏକ ଲୋମଟାଙ୍କୁରା ଘଟଣା ସାମାନାକୁ ଆସିଛି। ଏହି ୱାଟରଫଲରେ ଡେଇଁ ଜୀବନ ହାରିବାକୁ ଉଦ୍ୟମ କରିଥିବା ଯୁବତୀଜଣକଙ୍କ ନାମ ୨୧ ବର୍ଷୀୟା ସରସ୍ୱତୀ ମୌର‌୍ୟ୍ୟ ବୋଲି ଜଣାଯାଇଛି।
ଚିତ୍ରକୋଟ ୱାଟରଫଲ ନିକଟସ୍ଥ ଏକ ଗାଁର ବାସିନ୍ଦା ହେଉଛନ୍ତି ସରସ୍ୱତୀଙ୍କ ପରିବାର। ସେ ଅଧିକାଂଶ ସମୟ ଫୋନ୍ରେ ବିତାଉଥିବାରୁ ପରିବାର ଲୋକେ ତାଙ୍କ ଉପରେ ବିରକ୍ତି ଭାବ ପ୍ରକାଶ କରୁଥିଲେ। ଏଥିରେ ଉତ୍କ୍ଷିପ୍ତ ସରସ୍ୱତୀ ଗାଁ ନିକଟସ୍ଥ ଚିତ୍ରକୋଟ ଜଳପ୍ରପାତକୁ ଚାଲିଯାଇଥିଲେ।
ସେଠାରେ ସେ ଆତ୍ମହତ୍ୟା କରିବାକୁ ଉଦ୍ୟମ କରୁଥିବା ବେଳେ ସେଠାରେ ଉପସ୍ଥିତ ପର‌୍ୟ୍ୟଟକ ତାଙ୍କୁ ଏପରି କରିବାକୁ ବାରଣ କରିଥିଲେ। ମାତ୍ର ରାଗି ନିଜ ହିତାହିତା ଜ୍ଞାନ ହରାଇ ବସିଥିବା ସରସ୍ୱତୀ କାହା କଥା ନ ଶୁଣି ହଠାତ୍ ଜଳପ୍ରପାତରୁ ତଳକୁ ଡେଇଁ ପଡ଼ିଥିଲେ। ମାତ୍ର ପାଣିରେ ପଡ଼ିବା ପରେ ସେ ନିଜ ଭୁଲ୍ ବୁଝି ପାରିଥିଲେ। ଏହାପରେ ପହଁରି ପହଁରି କୂଳକୁ ଆସିବାକୁ ଚେଷ୍ଟା କରିଥିଲେ। ମାତ୍ର ପାଣିର ପ୍ରଖର ସ୍ରୋତରେ ତାଙ୍କୁ ଖୁବ୍ ସଂଘର୍ଷ କରିବାକୁ ପଡ଼ିଥିଲା।
ଇତି ମଧ୍ୟରେ ଜଳପ୍ରପାତ ନିକଟରେ ଥିବା ଲାଇଫ୍ଗାର୍ଡ ବୋଟ ସାହାଯ୍ୟରେ ସରସ୍ୱତୀଙ୍କୁ କୂଳକୁ ଆଣିଥିଲେ। ଏବେ ସେ ସୁସ୍ଥ ଥିବା ବେଳେ ନିଜ ଘରକୁ ଫେରିଥିବା ଜଣାଯାଇଛି।