ମାହାଙ୍ଗା ବିଜେପି ରାଲିରେ ଗଣ୍ଡଗୋଳ

କେନ୍ଦ୍ରାପଡା,୨୫/୦୪/୨୪: କେନ୍ଦ୍ରାପଡା ଲୋକସଭା କ୍ଷେତ୍ରରେ ଜମୁଛି ବିଜେପିର ଦମଦାର ପ୍ରଚାର । ଗତକାଲି ମାହାଙ୍ଗା ରେ ପ୍ରଚାର କରିଛନ୍ତି କେନ୍ଦାପଡାର ବିଜେପି ସାଂସଦ ପ୍ରାର୍ଥୀ ବୈଜୟନ୍ତ ପଣ୍ଡା ଏବଂ ମାହାଙ୍ଗା ବିଜେପି ବିଧାନସଭା ପ୍ରାର୍ଥୀ ସୁମନ୍ତ ଘଡାଇ .. କୁରୁଜଙ୍ଗା ମେଲଣ ପଡିଆରୁ ବାହାରି ଏରକଣା ବଜାର ପର୍ଯ୍ୟନ୍ତ ରୋଡ ସୋ କରିଥିଲେ ।

ଆଉ ଏହି ରୋଡ ସୋ ସମୟରେ ଦେଖିବାକୁ ମିଳିଥିଲା ଦୁଇ ଗୋଷ୍ଠୀ ମଧ୍ୟ ରେ ସଂଘର୍ଷ .. ଏହି ସଂଘର୍ଷ ଭିତରେ ୩ ଜଣ ଗୁରୁତର ଆହତ ହେବା ସହ ଏକ କାରର କାଚ କୁ ବାଡେଇ ଭାଙ୍ଗି ଦେଇଥିବାର ନଜର ଆସିଥିଲା । ମାହାଙ୍ଗା ପୋଡ଼ାମରାଇ ବାସନ୍ତୀଦୁର୍ଗା ମଣ୍ଡପ ଠାରେ କୌଣସି କାରଣରୁ ହଠାତ୍ ଦୁଇ ଗୋଷ୍ଠୀ ଭିତରେ ମୁହାଁମୁହିଁ ହୋଇ ମାରପିଟ୍ ହୋଇଥିଲେ , ସୁମନ୍ତଙ୍କ ସମର୍ଥକ ଏବଂ ସେଠାରେ ପୋଡ଼ାମରାଇ ପଂଚାୟତ ର ଯୁବକ କମଳାକାନ୍ତ ସେଠୀଙ୍କ ଭିତରେ ହାତାହାତି ହୋଇ କମଳାକାନ୍ତ ଙ୍କ ଗୋଡ଼ ଭାଙ୍ଗି ଦେଇଥିଲେ ସୁମନ୍ତଙ୍କ ସମର୍ଥକ, ଗୁରୁତର ଅବସ୍ଥାରେ କମଳାକାନ୍ତ ସେଠୀ ମେଡିକାଲ କୁ ଯାଉଥିବା ବେଳେ ସୁମନ୍ତଙ୍କ ସମର୍ଥକ ମାହାଙ୍ଗା ସାଇ ମନ୍ଦିର ନିକଟରେ ତାଙ୍କୁ ପୁଣି ଉଠାଇ ନେଇ ମାଡ଼ ମାରି ଜରିଆ ନଈ କୂଳରେ ଫିଙ୍ଗି ଦେଇ ଚାଲିଯାଇଥିଲେ ।ଘଟଣା ସ୍ଥଳରେ ମାହାଙ୍ଗା ପୋଲିସ୍ ପହଞ୍ଚି କମଳାକାନ୍ତ ଙ୍କୁ ଉଦ୍ଧାର କରିବା ସହ ଘଟଣା ଉପରେ ତଦନ୍ତ ଆରମ୍ଭ କରିଛି । ଏ ଘଟଣା ସମ୍ପର୍କରେ ବିଜେପି ପ୍ରାର୍ଥୀ ସୁମନ୍ତ ଙ୍କୁ ପଚାରିବାରୁ ସେ କହିଛନ୍ତି ଏ କେବଳ ଶାସକ ଦଳର ଚକ୍ରାନ୍ତ କହି ଏହାକୁ ଖଣ୍ଡନ କରିଛନ୍ତି, ଅନ୍ୟପକ୍ଷରେ ସୁମନ୍ତଙ୍କ ସମର୍ଥକମାନେ ଭଦ୍ରେଶ୍ୱର ଥାନାରେ ବିଜେଡ଼ି କର୍ମୀଙ୍କ ନାଁ ରେ ଥାନାରେ ଏତାଲ କରିଛନ୍ତି ।