ବଲାଙ୍ଗୀର- ବଲାଙ୍ଗୀର ସହର ମାଧିଆପାଲି ନିକଟରେ ଥିବା ମାରୁତି ସୋ-ରୁମ୍ ସାମନା ରେ ଥିବା ପୁରୁଣା ଗାଡି ଗୋଦାମରେ ନିଆଁ ଲାଗି ଦୁଇଟି ଗାଡି ଜଳି ନଷ୍ଟ ହୋଇ ଯାଇଛି । ସୋମବାର ଅପରାହ୍ନ ପ୍ରାୟ ୩ଟା ବେଳେ ଗାଡି ପାର୍କିଂ ଅଞ୍ଚଳ ରେ ନିଆଁ ହୁତୁ ହୁତୁ ହୋଇ ଜଳୁଥିବା ଦେଖି ସ୍ଥାନୀୟ ଲୋକେ ପ୍ରଥମେ ସୋରୁମ୍ କର୍ମଚାରୀ ଙ୍କୁ ଖବର ଦେଇଥିଲେ । ପରେ ସୋରୁମ୍ କର୍ମଚାରୀ ଦମକଳ ବାହିନୀକୁ ଖବର ଦେଇଥିଲେ ।ଖବର ପାଇ ଦମକଳ ବାହିନୀ ଆସି ନିଆଁ ଆୟତ୍ତ କରିଛି ।ଏହି ପାର୍କିଂ ଏରିଆ ରେ ପୁରୁଣା ଓ ଦୁର୍ଘଟଣା ଯୋଗୁଁ ସଜଡା ହେବାକୁ ଆସିଥିବା ଗାଡି ପାର୍କିଂ ହୋଇଥିଲେ ତେବେ ମାତ୍ର ଦୁଇଟି ଗାଡି ନିଆଁ ରେ ନଷ୍ଟ ହୋଇଛି । ନିଆଁ ଲାଗିବାର ସଠିକ୍ କାରଣ ଜଣା ପଡି ନ ଥିଲେ ହେଁ ଏହା ସ୍ଥାନୀୟ ଲୋକେ ବିଡି ସିଗାରେଟ୍ ଖାଇଁ ଫୋପାଡି ଦେଇଥିବା ଅଳିଆ ଗଦା ରୁ ନିଆଁ ଯାଇ ଗାଡି ରେ ଲାଗିଥିବାର ସୋ-ରୁମ୍ କର୍ତ୍ତୃପକ୍ଷ ସନ୍ଦେହ କରୁଛନ୍ତି ।
