ମାଗଣା ଅଟୋ ସେବା ; ପୁଲଓ୍ୱାମା ସହିଦଙ୍କ ସ୍ମୃତିରେ ଯବାନମାନଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ଆନନ୍ଦପୁରର ଅଟୋ ଚାଳକ

ଆନନ୍ଦପୁର :  ପୁଲଓ୍ୱାମା ସହିଦଙ୍କ ସ୍ମୃତିରେ ମାଗଣା ଅଟୋ ସେବା । ଆତଙ୍କବାଦୀଙ୍କ ଦ୍ୱାରା ଆଇଡି ବିସ୍ଫୋରଣରେ ସହିଦ ଯବାନମାନଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ଆନନ୍ଦପୁରର ଅଟୋ ଚାଳକ । ୨୦୧୯ ମସିହା ଆଜିର ଦିନରେ ସହିଦ ହୋଇଥିବା ୪୦ଜଣ ବୀର ଯବାନଙ୍କ ସ୍ମୃତି ଉଦ୍ଦେଶ୍ୟରେ ଅଟୋ ଚାଳକ ଆଜକୁ ପ୍ରାୟ ୨ବର୍ଷରୁ ଅଧିକ ସମୟ ହେବ ଏହି ସେବା ଯୋଗାଇ ଆସୁଛନ୍ତି । ତେବେ ଚଳିତ ବର୍ଷ ଆଜିଠାରୁ ୩ଦିନ ପର୍ଯ୍ୟନ୍ତ ମାଗଣାରେ ଅଟୋ ସେବା ଯୋଗାଇବାକୁ ସ୍ଥିର କରିଛନ୍ତି । ବିଶେଷକରି ଡାକ୍ତରଖାନା ଯାଉଥିବା ରୋଗୀ ଓ ସେମାନଙ୍କ ସମ୍ପର୍କୀୟ , କଲେଜ ଛାତ୍ରଛାତ୍ରୀ  ଏବଂ ଜରୁରୀ କାମରେ ଯାଉଥିବା ଲୋକଙ୍କୁ ପ୍ରାଥମିକତା ଦିଆଯିବ ବୋଲି ଅଟୋ ଚାଳକ କହିଛନ୍ତି ।